Gjykata Themelore në Prishtinë, Departamenti për Krime të Rënda, ka shpallur aktgjykimin ndaj të akuzuarit me inicialet B.S., i cili është shpallur fajtor për veprat penale të trafikimit me njerëz dhe lëndimit të lehtë trupor.

Sipas njoftimit të gjykatës, i akuzuari është dënuar me dënim unik prej tetë vjetësh burgim.

Po ashtu, gjykata ka vendosur që të akuzuarit t’i vazhdohet masa e paraburgimit deri në plotfuqishmërinë e aktgjykimit.

-Advertisement-

“Obligohet i akuzuari që në emër të paushallit gjyqësor të paguaj shumën prej 200 euro si dhe në emër të kompensimit të viktimave të krimit shumën prej 50 euro, të gjitha këto pas plotfuqishmërisë së aktgjykimit. Pala e dëmtuar, për realizimin e kërkesës pasurore juridike udhëzohet në kontekst të rregullt juridiko-civil. Kundër këtij aktgjykimi, palët kanë të drejtë ankese në Gjykatën e Apelit të Kosovës, brenda afatit prej 30 (tridhjetë) ditësh nga dita e pranimit të aktgjykimit”, thuhet në njoftimin e Gjykatës.

Po ashtu rasti lidhet edhe me raportimin e ish-drejtoreshes komunale nga Mitrovica, Valmire Sylejmani, ku më 11 shkurt të vitit të kaluar, kishte publikuar një histori të rëndë të dhunës dhe shfrytëzimit që, sipas saj, kishte përjetuar Adilja, një grua me probleme të shëndetit mendor.

Ajo kishte ngritur alarmin për shfrytëzimin seksual dhe material të gruas, detyrimin për të kërkuar lëmoshë dhe dhunën fizike që pretendohej se ushtrohej ndaj saj.

Në reagimin e saj të publikuar dje, Sylejmani është shprehur e kënaqur me vendimin e drejtësisë, duke theksuar rëndësinë e raportimit të rasteve të tilla dhe të mosheshtjes përballë padrejtësive.

Ajo ka falënderuar gjithashtu avokatin Hamdi Jashari, i cili, sipas saj, e kishte marrë përsipër përfaqësimin e rastit pa pagesë dhe e kishte ndjekur atë deri në fund.

Sylejmani ka bërë thirrje që qytetarët të raportojnë dhunën dhe padrejtësitë, duke theksuar se edhe zëri i një qytetari mund të jetë i rëndësishëm në rrugën drejt drejtësisë.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-