Dëgjohen audio-incizimet e rastit në gjykimin ndaj dy policëve për keqtrajtim gjatë detyrës zyrtare
Autori: Gazeta inFokus 13:51 | 05 July 2023
Të mërkurën, në vazhdimin e shqyrtimit gjyqësor ndaj dy zyrtarëve policorë të akuzuar për keqtrajtim gjatë ushtrimit të detyrës, Rrustem Mehmeti dhe Teuta Mulliqi, në fazën e administrimit të provave janë dëgjuar audio-incizimet e rastit.
Në këtë rast, Rrustem Mehmeti dhe Teuta Mulliqi po ngarkohen se më 24 gusht 2020 në zyrën e stacionit Policor në Mitrovicë – Jug, me keqpërdorim të detyrës ose autorizimit kanë keqtrajtuar, frikësuar dhe e kanë ofenduar rëndë dinjitetin e të dëmtuarit N.B., raporton “Betimi për Drejtësi”.
Në vazhdim të shqyrtimit gjyqësor, të mërkurën u administruan provat materiale, ku ndër të tjera u dëgjuan audio-incizimet e rastit.
Ndryshe, të pranishëm në seancë ishin prokurorja Ajtene Zoni, i akuzuari Rrustem Mehmeti me mbrojtësin e tij, avokatin Gazmend Ismajli, e akuzuara Teuta Mulliqi me mbrojtësin e saj, avokatin Mahmut Halimi, si dhe i dëmtuari N.B. me përfaqësuesen e tij, avokaten Marigona Gashi.
Paraprakisht, avokati Mahmut Halimi propozoi që për hir të efikasitetit në procedurë, audio-incizimet vetëm të konstatohen si të dëgjuara në procesverbal, meqenëse të njëjtat janë dëgjuar nga të gjitha palët disa herë.
Ky propozim u kundërshtua nga prokurorja Zoni, me arsyetimin se është faza e administrimit të provave, dhe audio-incizimet duhet të dëgjohen në seancë, pavarësisht se kanë mundur të dëgjohen më parë.
Propozimi i mbrojtjes u kundërshtua nga gjyqtari i rastit Xhemajl Jusufi, me arsyetimin se audio-incizimet janë propozuar si provë materiale, dhe është me interes por edhe në pajtim me dispozitat e KPPK-së, që të dëgjohen në shqyrtim gjyqësor në prezencë të të gjitha palëve.
Pas dëgjimit të audio-incizimeve, prokurorja Zoni propozoi shtyrjen e seancës, me arsyetimin se i duhet kohë për klasifikimin e provave tjera materiale, si dhe për shkak se në pasditen e ditës së sotme ishte e angazhuar me seancë të natyrës urgjente.
Ndryshe, Prokuroria Themelore në Mitrovicë më 20 shtator 2021 ka ngritur aktakuzë kundër Rrustem Mehmetit dhe Teuta Mulliqit, me arsyetimin se më 24 gusht 2020 në zyrën e Stacionit Policor në Mitrovicë – Jug, me keqpërdorim të detyrës ose autorizimit kanë keqtrajtuar, frikësuar dhe e kanë ofenduar rëndë dinjitetin e personit tjetër, të dëmtuarit N.B.
Sipas aktakuzës, me rastin e marrjes në pyetje të të dëmtuarit N.B në zyrën e Teuta Mulliqit, pasi që i njëjti kishte kërkuar qe t’i sqarohet se për çfarë arsye është ftuar dhe duke iu thënë që nuk dëshiron të japë deklaratë pa prezencën e avokatit, nuk iu kanë lexuar të drejtat e tij, ndërsa të akuzuarit kanë filluar t’i bëjnë presion dhe dhunë fizike që të japë deklaratë.
Tutje, në aktakuzë thuhet se i pandehuri Rrustem i ka thënë: “cilin avokat po e do, Tomën apo Rrecaj, çfarë filozofi je ti, mësuesit si ti na kanë sjellë këtu ku jemi tani”. Ndërsa, përreth një orë nuk iu është siguruar avokati.
Gjithnjë sipas aktit akuzues, i pandehuri Rrustem Mehmeti dy herë e kishte goditur në pjesën e qafës pas kokës, duke kryer dhunë fizike, ndërsa e pandehura Teuta me këtë rast në mënyrë ironike kishte qeshur.
Tutje, thuhet se polici Rrustem ia kishte vendosur shufrën tek goja dhe i kishte thënë që do t’ia thyej dhëmbët apo eshtrat, ndërsa tërë ngjarjen i dëmtuari N.B. e ka incizuar me telefon mobil.
Prandaj, me këtë në bashkëkryerje kanë kryer veprën penale “Keqtrajtimi gjatë ushtrimit të detyrës zyrtare ose autorizimeve publike”, nga neni 195 par. 1 i KPRK-së, në lidhje me nenin 31 të KPRK-së.
Të tjera
-
Mbrojtja propozon të kryhet ekspertizë e re psikiatrike ndaj të akuzuarit për vrạsjen e vëllait
Në seancën e së premtes në Gjykatën Themelore në Mitrovicë, mbrojtësja e të a...
-
Sarrazin i kërkon Qeverisë t’i heq masat ndaj mallrave serbe, flet për pasoja të rënda në rast të refuzimit
Manuel Sarrazin, emisar i Gjermanisë për Ballkanin Perëndimor ka bërë një ana...
-
Gjermania hap dyert për 250 mijë emigrantë të këtij vendi
Gjermania do të hapë dyert për 250 mijë punëtorë kenianë të kualifikuar dhe g...
-
“Qëllimi jonë është Islamizimi i Kosovës e Preshevës. Unë nuk jam shqiptar”, hoxha nga Sanxhaku me deklaratë të rrezikshme
Një hoxhë nga Sanxhaku, që flet shqip ka mbajtur sot një tubim në Luginën e P...
-
Lista preliminare e provimit për prokurorë të shtetit
Këshilli Prokurorial i Kosovës shpall listën preliminare të provimit të kandi...
-
REL: Kosova dhe Serbia kanë konfirmuar pjesëmarrjen në takimin e 17 shtatorit
Burimet e Radios Evropa e Lirë në Bashkimin Evropian kanë thënë se presin që ...
-
Ra nga kati i tretë i objektit ku punonte, vdes 48 vjeçari në Prizren
Një person ka vdekur sot në vendin e tij të punës. Rasti ka ndodhur në Pri...
-
Parlamentari serb: Vuçiq shpalli kapitullimin në Kosovë
Deputeti opozitar në Parlamentin e Serbisë, Zdravko Ponosh, ka reaguar pas ko...
-
Haziri pas konferencës së Vuçiqit: Kosova mos të bie në hendekun e Serbisë
Nënkryetari i LDK-së, Lutfi Haziri, ka reaguar pas konferencës që mbajti pres...
-
Incidenti në veri, kthehen afishet, tash pro-Radoiçiqit
Sikur fotografia, me kujdes janë zgjedhur edhe fjalët. Kryeterroristit Mil...
-
Kurti me videolidhje pjesë e panelit ku ishte edhe Lajçak – akuza Vuçiqit se e përdor Kosovën dhe Bosnjën për të siguruar lëshime nga Perëndimi
Gjatë paradites së 13 shtatorit, kryeministri i Kosovës, Albin Kurti, me vide...
-
Përkundër që ndau rrugët me Vetëvendosjen, Fatmir Humolli përkrah qeverisë për veriun
Deputeti Fatmir Humolli ka një kohë që i ka ndarë rrugët me Lëvizjes Vetëvend...