Lajme

Daçiq thotë se ka marrë një zotim nga Erdogan për Kosovën

Autori: Gazeta inFokus 20:59 | 26 January 2023

Ministri i Punëve të Jashtme të Serbisë, Ivica Daçiq tha se presidenti i Turqisë, Rexhep Tayip Erdogan, në takimin e sotëm i ka premtuar se Ankaraja do t’i theksojë Kosovës se është e nevojshme të respektohen marrëveshjet e nënshkruara më parë.

Daçiq theksoi se nuk është realiste të pritet që Turqia të ndryshojë qëndrimin e saj për statusin e Kosovës, por se është e rëndësishme që Serbia të ruajë paqen dhe të shmangë incidentet, shkruan Tanjug, transmeton Gazeta Express.

“Erdogan në të gjitha bisedimet që do të ketë me Prishtinën, sikurse edhe të gjithë zyrtarët turq, do të theksojnë se është e nevojshme të respektohen të gjitha marrëveshjet, se duhet dialogu dhe ruajtja e paqes. Për ne mjafton që dikush të ushtrojë ndikim të tillë, në mënyrë që njerëzit në Prishtinë të mos gëzojnë mbështetje për pengimin e marrëveshjeve të paqes dhe të mos kërcënojnë paqen dhe stabilitetin në rajon”, theksoi Daçiq.

-Advertisement-

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

lajme