Lajme

Covid-19, si mund të shpëtojë jetën e njeriut pajisja që kushton vetëm 20 paund

Autori: Gazeta inFokus 09:52 | 22 January 2021

Një nga misteret e Covid-19 i përket nivelit të oksigjenit në gjak, i cili mund të ulet dhe të shkaktojë probleme serioze në gjendjen e pacientit.

Kjo gjendje njihet ndryshe si “hipoksi e heshtur”. Për pasojë, njerëzit nuk arrijnë ta kuptojnë ku qëndron problemi dhe shkojnë në spital në gjendje të rënduar shëndetësore dhe në shumë raste, është e vështirë që të trajtohen.

Por një zgjidhje e mundur për të shpëtuar jetën është pajisja e oksimetrit, e cila lejon pacientët të monitorojnë nivelet e tyre të oksigjenit në shtëpi, dhe kushton rreth 20 paund. Ato po përhapen për pacientët me rrezik të lartë Covid në Mbretërinë e Bashkuar dhe mjeku që drejton skemën mendon se të gjithë duhet të vlerësojnë rëndësinë e të pasurit në shtëpi një oksimetër.

-Advertisement-

Niveli normal i oksigjenit në gjak është ndërmjet 95% dhe 100%. Oksimetri vendoset në gisht, nuk shkakton asnjë dhimbje dhe të jep rezultatin e nivelit të oksigjenit në gjak.

Në Angli, këto pajisje po u jepen njerëzve me Covid që janë mbi 65 vjeç dhe atyre më të rinj, por që kanë një problem shëndetësor. Skema të ngjashme po përhapen në të gjithë Mbretërinë e Bashkuar, ndërsa njerëzit duhet të matin dhe regjistrojnë nivelin e tyre të oksigjenit tri herë në ditë.

Subscribe në YouTube: GAZETA INFOKUSI
Etiketa:
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme