Lajme

Covid-19, Gjermania regjistron numrin më të lartë të rasteve që nga maji

Autori: Gazeta inFokus 12:27 | 19 August 2020

Gjermania ka regjistruar 1 510 raste të reja të koronavirusit në 24 orët e kaluara, numri më i lartë ditor në më shumë se tre muaj, deklaroi instituti mjekësor ”Robert Koch” (RKI).

”Shifra e lartë çon numrin e përgjithshëm të personave që kanë pasur ose kanë aktualisht virusin në 226 914, ndërsa 9 243 persona kanë vdekur si pasojë e Covid-19”, sipas RKI, raporton ATSh.

Numri i të infektuarve në Gjermani është rritur në javët e fundit, me raste ditore që tejkalojnë numrin 1 000.

-Advertisement-

Në kulmin e shpërthimit në fillim të muajit prill, rritja ditore e çështjeve tejkalonte 6 000 persona në ditë.

Numri më i larti i fundit datonte në 1 maj me 1 639 infeksione të regjistruara.

Kancelarja Angela Merkel u bëri thirrje gjermanëve që të zbatojnë rregullat që synojnë të ndalojnë përhapjen e virusit, duke paralajmëruar se nuk mund të ketë një lehtësim të mëtejshëm të kufizimeve të vendit në jetën publike, pas rritjes së rasteve.

Subscribe në YouTube: GAZETA INFOKUSI
Etiketa:
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme