Sport

Cassano shpërthen ndaj Mourinhos: Poshtërsi ajo që bëri!

Autori: Gazeta inFokus 09:48 | 15 November 2022

Antonio Cassano, një ish-lojtar i Romës dhe Realit të Madridit ishte shumë kritik ndaj Jose Mourinhos për akuzat e trajnerit luzitan ndaj një lojtari të Romës, të cilin e etiketoi “tradhtar”, por pa ia përmendur emrin.

“Më vjen keq sepse përpjekja e një skuadre që luante si skuadër u tradhtua nga një lojtar me qëndrim e tij joprofesional. Kam folur me të dhe e kam ftuar të largohet nga klubi në janar, por nuk e di se çfarë do ta bëjë në fund”, u shpreh trajneri i Romës pas barazimit 1-1 ndaj Sassuolos.

Në Itali zbuluar se lojtari “tradhtar” është Rick Karsdorp.

-Advertisement-

“Mourinho duhet të bëjë vetëm një gjë, të flasë për atë që po bën skuadra. Ai kurrë nuk thotë që nuk po e bën ekipin që të luajë mirë. Është gjithmonë faji i dikujt tjetër. Ai është një trajner dhe nuk ka bërë asgjë për një vit e gjysmë”, – tha Cassano në programin “Minute 90”.

-“Ajo që bëri Mourinho në çështjen “Karsdorp” është e poshtër, e turpshme. Nuk mund të thuash gjëra kaq të tmerrshme për një djalë që tani nuk mund të dalë as në rrugë. Duhet të flasësh me lojtarët dhe kjo është e gjitha”, – ka theksuar ish-i i Romës.