Sport

Bylbyl Sokoli zbulon arsyen e vërtetë pse u largua nga Gjilani

Autori: Gazeta inFokus 14:01 | 15 March 2021

Trajneri i mirënjohur kosovar, Bylbyl Sokoli, ka qenë i ftuar mbrëmë në emisionin ‘Dueli Sportiv’, ku ka analizuar xhiron e 24-të në Superligë, shkruan Gazeta inFokus.

Krahas komenteve për ndeshjet e javës së 24-të në elitën e futbollit kosovar, Sokoli ka folur edhe për largimin e tij nga skuadra e Gjilanit.

Ai ka thënë se pas humbjes nga Drita ka pasur dy rrugë para vetes, ose ti largoj disa futbollistë ose të dorëhiqet vet, e sipas tij kjo e fundit ka qenë më e mirë për klubin.

-Advertisement-

“Gjilani ka shumë më tepër potencial se sa rezultatet që janë arritur e sidomos në javët e fundit. Maksimumi i atij dëshpërimit tim ka qenë ndeshja derbi me Dritën. Në ndeshjen derbi nuk ka nevojë shumë më i motive futbollistët, zakonisht në këto ndeshje futbollistët duhet me i mbajt nën kontrolle dhe me i qetësu për shkak të mobilizimit. Ajo që më ka dëshpëru në këtë ndeshje është se ka pasur shumë pak motiv nuk funksionoi asgjë çfarë kemi përgatitur. Për shkak të kësaj isha në dilemë, ose t’i largoja disa futbollistë ose të largohem vet, e zgjedha këtë të dytën sepse mendoj se ishte më mirë për klubin”, tha Sokoli.

Tutje ‘Proffa’ ka folur edhe për disiplinën brenda ekipit, si dhe ka treguar se nuk ka pasur bojkot nga lojtarët.

“Jo nuk pasur bojkot, kjo çështje nuk me takon mu. Unë mendoj që ndeshja e fundit ka qenë dëshpëruese për shkak se nuk ka pasur motiv të mjaftueshëm. Edhe ripërsërisë se disiplinë brenda ekipit ka pasur”, përfundoi Sokoli.

Pas largimit të Sokolit nga Gjilani, ‘kuqebardhit’ në vend të tij kanë emëruar Ismet Munishin, i cili debutoi me fitore 2-1 ndaj Trepçës ’89./Gazeta inFokus/

Subscribe në YouTube: GAZETA INFOKUSI