Sport

Broja drejt Bundesligës? Sulmuesi shqiptar mund të bashkohet me trajnerin që i besoi në Angli

Autori: Gazeta inFokus 11:12 | 11 June 2024

E ardhmja e Armando Brojës vazhdon të jetë në “ajër”, me sulmuesin shqiptar që duket se do të largohet përfundimisht nga Chelsea këtë verë, teksa interesi për të nuk mungon. Pas Milanit, Everton, Wolves dhe Monacos, një tjetër klub i njohur është futur në garë për shërbimet e 22-vjeçarit kuqezi.

Prestigjiozja gjermane “Kicker” ka zbuluar se Wolfsburg po kërkon një sulmues dhe emri i parë në listën e klubit të Bundesliga-s është pikërisht ai i Armando Brojës.

Ai që po këmbëngul për shërbimet e shqiptarit është pikërisht trajneri që i besoi kur ishte te Southamptoni, Ralph Hasenhüttl. Tekniku austriak po përpiqet të krijojë një skuadër të fortë, e cila mund të luftojë për një vend në kompeticionet europiane dhe duket se Broja është në qendër të projektit të tij.

-Advertisement-

Gjithsesi Chelsea vazhdon të jetë në pritje të ofertave, të cilat do t’i shqyrtojë me vetë Brojën, teksa ky i fundit është i fokusuar te “EURO 2024” me Shqipërinë.

Etiketa:
Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

sport

Ky website përdor cookies. Duke vazhduar përdorimin, ju pranoni përdorimin e tyre.

Privacy policy