Lajme

Britania: Rusia të tërheqë trupat nga kufiri për të treguar se nuk do të sulmojë Ukrainën

Autori: Gazeta inFokus 14:06 | 15 February 2022

Sekretarja e Jashtme britanike, Liz Truss deklaroi se Rusia duhet të tërheqë të gjitha trupat e saj nga kufiri ukrainas për të treguar se nuk ka plane për të pushtuar Ukrainën.

Në deklaratat e saj për mediat e vendit në lidhje me çështjen e Ukrainës, Truss e përshkroi situatën e fundit në kufirin Rusi-Ukrainë si “një moment shumë të rrezikshëm për botën”.

Lidhur me deklaratën e Rusisë se disa nga njësitë e saj ushtarake, të cilat kanë përfunduar misionet e tyre në kuadër të stërvitjeve, kanë filluar të kthehen në bazat e tyre, Truss tha se duhet të shihen më shumë detaje për të kuptuar nëse kjo ka efekte të rëndësishme.

-Advertisement-

“Rusët pretenduan se nuk kishin plane për një sulm, por ne do të duhet të shohim tërheqjen totale të trupave të tyre për të treguar se kjo është e vërtetë”, tha Truss.

Ajo tha se “është shumë e rëndësishme të mos bëhet kompromis për sovranitetin e Ukrainës, për vendimin e Ukrainës nëse do të bëhet pjesë e NATO-s apo jo”.

Ambasadorja britanike në Kiev, Melinda Simmons, në postimin e saj në llogarinë e ambasadës në Twitter, përsëriti paralajmërimin e saj për qytetarët britanikë në Ukrainë që të largohen nga vendi.

Subscribe në YouTube: GAZETA INFOKUSI