Sport

Bove si Eriksen? Ja shpjegimi i specialistit të njohur italian

Autori: Gazeta inFokus 11:03 | 04 December 2024

Edoardo Bove u transferua dje në repartin e kujdesit intensiv të Kardiologjisë në Careggi, ku po monitorohet për arsye parandaluese.

Sipas raportimeve të “La Nazione”, një rezonancë magnetike e detajuar e kryer të hënën duket se ka evidentuar një dëmtim në ventrikulin e majtë, i pranishëm gjithashtu në tri rezonancat magnetike të kryera në vitin 2020, kur mesfushori vuajti nga një miokardit post-Covid.

Tani, testet gjenetike do të jenë vendimtare për të përcaktuar nëse bëhet fjalë për një patologji kardiake: mund të jetë rezultat i një cikatricjeje nga miokarditi i mëparshëm ose shfaqja e një kardiomiopatie aritmike kongjenitale me bazë gjenetike, e njëjta sëmundje që kishte shkaktuar vdekjen e Astorit dhe Morosinit.

-Advertisement-

Profesori Domenico Corrado, drejtori i Njësisë Operative për Kardiomiopatitë Gjenetike dhe Kardiologjinë Sportive në Universitetin e Padovës, deklaroi:

“Sipas udhëzimeve kombëtare të Mjekësisë dhe Kardiologjisë Sportive, sportistët që mbajnë defibrilator nuk janë të përshtatshëm për aktivitete sportive-agonistike, pasi këto mund të favorizojnë rikthimin e aritmive që, edhe me prani të defibrilatorit, mbeten potencialisht fatale.

Për më tepër, aktiviteti agonistik mund të përshpejtojë progresin e sëmundjes kardiake strukturore në bazë, veçanërisht nëse bëhet fjalë për një kardiomiopati gjenetike.”

Bove është ende i shtruar për shkak të pasojave të një aritmie të rëndë që e goditi gjatë ndeshjes kundër Interit, duke i shkaktuar, ndërsa ishte në ambulancë, një arrest kardiak. Corrado shtoi:

“Kur ka një arrest kardiak nga aritmia ventrikulare, udhëzimet kërkojnë vendosjen e një defibrilatori nënlëkuror.”

Në këtë rast, Bove nuk do të mund të praktikonte aktivitet agonistike në Itali, por mund të luante jashtë vendit, siç ka ndodhur me Christian Eriksen. Gjithsesi, do të jenë vendimtare rezultatet e reja të ekzaminimeve klinike.

Subscribe në YouTube: GAZETA INFOKUSI