Sport

Bojkoti i futbollit në Shqipëri dhe shembulli i Kosovës, flet Agim Ademi

Autori: Gazeta inFokus 22:03 | 22 September 2020

Futbolli në Shqipëri vazhdon bojkotin, teksa në horizont ende nuk shihet një zgjidhje e shpejtë.

Liga Profesioniste nuk tërhiqet nga kërkesat e saj, ndërsa qeveria ruan pozicionin.

Kërkesat nuk ndryshojnë, ndërsa si model për zgjidhjen e tyre janë ndryshimet ligjore nën shembullin e Kosovës.

-Advertisement-

Jo shumë larg, qeveria në Prishtinë miratoi ligjin e ri. Për të dhe mundësinë e aplikimit të një ligji të njëjtë edhe në Shqipëri ka folur në një lidhje direkte për emisionin “Sport News”, në “News 24” presidenti I Federatës së Kosovës, Agim Ademi.

“Ne kishim një bashkëpunim shumë të mirë me qeverinë. Shpresoj që edhe në Shqipëri palët të gjejnë një zgjidhje të shpejtë. Ligji i Sportit në Kosovë afron sponsorat në futboll dhe në të gjitha sportet me anë të lehtësimeve fiskale në tatime, apo në tatimet mbi fitimet. Nga ana tjetër, qeveria ka marrë përsipër krijimin e infrastrukturës, fushave, palestrave etj. Në këtë mënyrë, klubet mund të kenë mundësi për krijimin e një buxheti të nevojshëm. Mendoj se ai mund të aplikohet edhe në Shqipëri, pasi ligjet e dy vendeve nuk janë shumë të ndryshëm. Sa I përket bojkotit, nuk mund të them nëse ishte zgjidhja e duhur apo jo. Por shpersoj edhe një herë që të gjehet sa më shpejt zgjidhja dhe futbolli të kthehet në fushë, pasi edhe kalendari nuk premton”, ka thënë mes të tjerash presidenti i FFK, Agim Ademi.

Subscribe në YouTube: GAZETA INFOKUSI
BKT Kosova vlerësohet për herë të tretë "Banka e Vitit 2023 në Kosovë" nga The Banker

Të tjera

Fokusi

sport