Lajme

Bllacë: U hoqën tabelat në shqip, por u rikthyen përsëri – kush qëndron pas këtyre veprimeve?

Autori: Gazeta inFokus 14:56 | 14 September 2024

Gjatë ditës së premte, në Bllacë, që gjendet afër vendkalimit kufitar Maqedoni e Veriut – Kosovë, janë vendosur tabela në gjuhën maqedonase, angleze e frënge.

Në atë lokacion, deri në vendosjen e kësaj tabele, kanë qëndruar tabelat në gjuhën maqedonase, shqipe dhe angleze.

Kështu të paktën raportojnë mediat atje, ku dhe u bë e ditur se Ndërmarrja Publike “Rrugët Shtetërore” i ka vendosur tabelat e reja, e po ashtu raportohet se e njëjta edhe i ka hequr ato në gjuhën shqipe, transmeton Klankosova.tv.

-Advertisement-

Sipas Koha.mk, tendenca për të minimizuar apo edhe më keq, për ta hequr gjuhën shqipe nga përdorimi, ka nis që me ardhjen e Qeverisë së re të VMRO-VLEN-ZNAM. Është kryetari i Gjykatës Kushtetuese, Darko Kostadinovski që ka caktuar mbledhje ku do të shqyrtohet për shfuqizimin e tre neneve të gjuhës shqipe nga Ligji për zbatimin e gjuhëve.

Iniciativa e Kostadinovskit është mbështetur drejtpërdrejt nga VMRO e kryeministrit Hristijan Mickoski, ndërsa është arsyetuar edhe nga koalicioni VLEN, të cilët kanë siguruar se nuk shfuqizohet Ligji, por vetëm disa nene, raporton koha.mk.

Gjithmonë sipas mediave shqipe në Maqedoni të Veriut, për tabelat e reja pa gjuhën shqipe, leje ka dhënë Ministria e Punëve të Brendshme, meqenëse bëhet fjalë për vendkalim kufitar.

Por, sipas gazetarit të “Euronews Albania”, Furkan Saliu, tabelat që nuk përmbanin gjuhën shqipe në to, janë hequr gjatë mbrëmjes mes të premtes dhe të shtunës.

Por se kush i ka larguar, ende mbetet një mister, sipas Saliut.

“Tabelat që u vendosën mbrëmë në kufirin me Kosovën, këtu në Bllacë, sot nuk janë këtu. Të gjitha tabelat që nuk kanë qenë në gjuhën shqipe u larguan. E takuam njërin prej punonjësve këtu, që i kanë vendosur mbrëmë, dhe i pyetëm se a i kanë larguar ata, na tha që jo. Pra kemi një situatë absurde, ku nuk dihet se kush mbrëmë i ka larguar ato tabela dhe a do të vendosen në dy gjuhë. E pyetëm se a ka tabela të reja dhe a do të vendosën sot, thjesht u përgjigj ‘nuk e di’”, u shpreh Saliu.

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme