Lajme

Deliu-Kodra i kërkon Bislimit të tregojë se çka ka folur me Lajçakun

Autori: Gazeta inFokus 11:20 | 18 September 2024

Deputetja e Partisë Demokratike të Kosovës, Blerta Deliu-Kodra, i ka kërkuar zëvendëskryeministrit Besnik Bislimi që të flasë për diskutimet në Bruksel me emisarin e Bashkimit Evropian për dialog, Miroslav Lajçak.

Deputetja e PDK-së ka thënë se uron që hapja e Urës së Ibrit të mos ketë qenë temë me palën serbe.

“Sot dhe asnjë ditë më vonë, zëvendëskryeministri Bislimi duhet t’u tregojë qytetarëve për çfarë kanë biseduar me emisarin Lajçak dje në Bruksel. Uroj që hapjen e Urës së Ibrit nuk e kanë shtruar si temë diskutimi me palën serbe. Ky cenim i sovranitetit dhe kushtetutës tonë, do të ishte i papranueshëm. Zëvendëskryeministër, dil sot edhe fol”, ka shkruar Deliu-Kodra nw Facebook.

-Advertisement-

Bislimi ka deklaruar të martën pas takimit bilateral me Lajçakun në Bruksel se Serbia refuzoi të futej në takim me agjendën e dakorduar. Ai është shprehur se në ftesë thuhej se temat e tjera mund të futen në diskutim vetëm me dakordimin e palëve, e “rrjedhimisht trilateral nuk ka mundur të kushtëzohet me pranimin ose jo të propozimeve të palës tjetër”.

Subscribe në YouTube: GAZETA INFOKUSI
Etiketa:
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme