Sport

Bekaj: 2230 pritje, falënderimi i takon Zotit të qiejve dhe tokës

Autori: Gazeta inFokus 19:54 | 19 November 2023

“Gardiani” Visar Bekaj e ka bërë debutimin në ndeshje zyrtare me Përfaqësuesen e Kosovës të shtunën mbrëma në Bazel.

Ai e ruajti portën e Kosovës për 90-të minuta në barazimin 1:1 ndaj Zvicrës, në ndeshjen e xhiros së parafundit në kuadër të Grupit I për kualifikimet për “Euro 2024”.

Bekaj debutoi pas 2230 ditësh pritjeje.

Ai ka reaguar përmes një postimi në faqen e tij në “Facebook”.

-Advertisement-

“2230 dite < ndjenja e krenarise se nates se mbramshme. Falenderimi i takon Zoti te Qiejve dhe Tokes.

2230 days < sense of honour&pride from last night debut. #alhamdulilah|”, ka shkruar Bekaj, përcjell lajmi.net.

Ai luan në Turqi te skuadra Hatayaspor derisa është zhvilluar si portier në Kosovë ku ka luajtur te Ramiz Sadiku dhe FC Prishtina.

Ky barazim i ka venitur përfundimisht shpresat për kualifikim në Evropian, teksa Zvicrës ia ka mundësuar biletën për në “Gjermani 2024” falë edhe humbjes së Izraelit ndaj Rumanisë.

Ndeshjen e ardhshme Kosova e zhvillon të martën kundër Bjellorusisë në stadiumin “Fadil Vokrri” në Prishtinë.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Kryetari i Goppingenit të Gjermanisë mahnitet me punën e fabrikës “Comodita Home”

Të tjera

Fokusi

sport