Lajme

Behrami për shtetësinë e Boiken Abazit: Me dekrete po shpërblehen arkitektët e urrejtjes dhe përçarjes

Autori: Gazeta inFokus 12:02 | 28 August 2026

Deputeti i Partisë Demokratike të Kosovës, Artan Behrami, ka reaguar pas raportimeve se ushtruesja e detyrës së presidentes, Albulena Haxhiu, i ka dhënë shtetësinë e Kosovës me dekret Boiken Abazit.

Behrami ka kritikuar ashpër këtë vendim, duke pretenduar se institucionet, në njërën anë, po u japin shtetësi serbëve përmes ligjit, ndërsa në anën tjetër po përdorin dekretet për persona që ai i cilëson si nxitës të urrejtjes dhe përçarjes.

“Me ligj po u japin serbëve nënshtetësi, duke e prishur balancën ndëretnike në Kosovë”, ka shkruar Behrami.

-Advertisement-

Ai ka vazhduar reagimin duke iu referuar edhe rastit të Abazit.

“Me dekrete po u japin nënshtetësi arkitektëve të nxitjes së urrejtjes dhe përçarjes”, ka shkruar deputeti i PDK-së.

Në fund të reagimit, Behrami ka përdorur tone të ashpra ndaj pushtetit.

“Po të mbrapshtë që ishit!”, ka përfunduar ai.

Reagimi i Behramit vjen pas raportimeve se Boiken Abazit i është dhënë shtetësia e Kosovës me dekret nga u.d presidentja./Gazeta Infokus 

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy