BE-ja beson se Thaçi do ta nënshkruajë letrën për vazhdimin e mandatit të EULEX-it
Autori: Gazeta inFokus 07:38 | 08 July 2020
Kanë kaluar tri javë prej kur ka skaduar mandati i EULEX-it në Kosovë, i cili është dashur të vazhdohet edhe përmes shkëmbimit të letrave mes BE-së dhe Presidentit të Kosovës, siç ka qenë praktikë në të kaluarën. Presidenti i Kosovës, Hashim Thaçi, nuk e ka nënshkruar këtë shkëmbim të letrave. Kjo ka bërë që të rritet shqetësimi në BE, megjithëse insistojnë se me apo pa këtë shkëmbim te letrave “EULEX-i ka në Kosovë mandat sipas së drejtës ndërkombëtare dhe ligjeve të Kosovës”.
Në pyetjet e “Kohës” se në cilat provizione të së drejtës ndërkombëtare dhe ligjeve të Kosovës besojnë se buron mandati i EULEX-it, edhe nëse ai më nuk konsiderohet me mandat ligjor nga Presidenti, në BE nuk kanë pasur ndonjë përgjigje të prerë.
Por, diplomatë të vendeve anëtare kanë pohuar se EULEX-i ka disa baza mbi të cilat e konsideron praninë në Kosovë me mandate të qartë. Një prej këtyre bazave konsiderohet Rezoluta 1244 e Këshillit të Sigurimit të OKB-së. Pastaj, një “Veprim i përbashkët” që ishte miratuar qysh në shkurt të vitit 2008, pak para shpalljes së pavarësisë si dhe “plani operativ”, po ashtu i miratuar nga BE-ja.
“As për Kosovën nuk do të ishte mirë sikur të përmendet si bazë kryesore Rezoluta 1244 e Këshillit të Sigurimit të cilën, edhe ne edhe Kosova dëshiron ta shuajë. Kjo i vendos në pozitë jo të mirë shtetet që e kanë njohur Kosovën”, ka thënë një diplomat i një shteti anëtar të BE-së.
Në BE megjithatë, pohojnë se “ende besojnë se Presidenti Thaçi do ta nënshkruajë shkëmbimin e letrave” dhe rikujtojnë se EULEX-i në Kosovë nuk ka më mandat ekzekutiv, por është e domosdoshme prania e këtij misioni, për shkak se ka marrë detyra edhe lidhur me veprimet e “Dhomave të Specializuara të Kosovës”.
Edhe pse BE-ja insiston se EULEX-i ka mandat “në bazë të ligjeve ndërkombëtare dhe atyre të Kosovës”, disa diplomatë janë të shqetësuar për mungesën e shkëmbimit të letrave me Presidentin Thaçi për zgjatjen e mandatit. Sepse pas më shumë se 11 vjetësh mandate, fitohet përshtypja sikur ky mision më nuk është i pranueshëm prej kosovarëve.
Të tjera
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...
-
Hoxhaj: Qytetarët që menduan se me Kurtin vjen ndryshimi, ta korrigjojnë atë – ta shohin PDK-në si adresë politike
Nënkryetari i kuvendit nga radhët e PDK-së, Enver Hoxhaj, ka thënë se nëse qy...
-
Gjeneral Jashari: FSK mbështet Ukrainën në përballje me agresionin e Rusisë
Komandanti i Forcës së Sigurisë së Kosovës, gjenerallejtënant Bashkim Jashari...
-
Kurti pritet nga Baerbock, kërkon mbështetjen gjermane deri në anëtarësimin e Kosovës në KiE
Kryeministri i Kosovës, Albin Kurti, është pritur në takim nga Ministrja e Ja...
-
Dalja e shqiptarëve në zgjedhje në Maqedoninë e Veriut shënon rënie
Dalja e shqiptarëve në zgjedhjet presidenciale të 24 prillit në Maqedoninë e ...
-
Tejkaloi shpejtësinë e lëvizjes, gjobitet me 300 euro
Policia e Kosovës njofton se njësia për kontroll të autostradave, në zonën ku...
-
Gjermania e bindur se Brukseli do të ecën drejt heqjes së sanksioneve pas votimeve në veri
Me organizimin e procesit të votimit për shkarkim ose jo të kryetarëve aktual...