Lajme

Basha: Asnjë qime floku e një shqiptari nuk ia vlen të preket për Ramën

Autori: Gazeta inFokus 22:17 | 25 January 2018

Kreu i PD-së Lulzim Basha në një lidhje direkte në emisionin ‘Opinion’ ka bërë me dije se në një kohë kur të gjitha institucionet janë të kapura nga kryeministri Edi Rama, nuk ngelet gjë tjetër vetëm populli të marrë fatet e vendit në dorë.

Po ashtu, Basha u shpreh Shqipëria ndodhet në një udhëkryq, pasi edhe kriminelët që arrestohen lirohen me urdhër të kryeministrit Edi Rama.

“Protesta nuk bëhet për partitë. Nuk behet as për PD dhe besoj se të njëjtin qëndrim ka edhe LSI e cila flet për vete. Nuk bëhet as për aleatët tanë. Nuk bëhet për partitë politike. bëhet për njerëzit kjo protestë. Opozita ka detyrat dhe hapësirat e saj. Në një demokraci funksionale, ka parlamentin, komisionet parlamentare, ka komisionet hetimore parlamentare, ka interpelancat, i drejtohet Prokurorisë, gjykatave për të zgjidhur problemet e krimit dhe korrupsionit. opozita ka po kështu institucionin e zgjedhjeve dhe qytetarët vendosin. po çfarë ka ndodhur në këtë vend?! të gjitha këto institucione kanë rënë dhe ai i fundit që ka rënë është institucioni i zgjedhjeve dhe me këtë institucion të rënë nuk mund të ketë parlament prandaj shikoni është shfaqe të shëmtuar ju aty. por kjo në fund të fundit është pjesë e një marrëdhënie mes partive politike. në do ti drejtohemi qytetarëve e do t’iu themi mos shikoni propagandën, a janë taksat më të larta?! mos dëgjoni propagandën. a janë çmimet më të larta?! mos dëgjoni propagandën. a ka më shumë krim?! mos dëgjoni propagandën. a ka më shumë drogë afër shkollave të fëmijëve tuaj?! a ka apo jo ilaçe për të sëmurët?! a keni apo jo vende pune?! a jeni të kënaqur me drejtësinë që e merr Qamil Zelën për 32 mijë lekë të vjetra, e plas në burg dhe e çon drejt vetëvrasjes ndërsa Beso i Taivanit me Edi Ramën dhe Arben Ahmetajn pohon pa iu trembur syri në studion tënde që nuk ka paguar 1.7 milionë euro energjie.”, -tha Basha.

-Advertisement-

Subscribe në YouTube: GAZETA INFOKUSI