Sport

Bardhekaltrit vetëm fitorja i mban në luftë për titull

Autori: Gazeta inFokus 11:22 | 02 May 2018

Skuadra e Feronikelit do të jetë nikoqir i ndeshjes që do ta zhvillojë kundër FC. Prishtinës, shkruan infokusi.

Ndeshja do të luhet sot në Stadiumin “Rexhep Rexhepi”, në Drenas, me fillim nga ora 16:00.

Prishtina nuk ka rival më të barabartë se sa Feronikelin, skuadër kjo që nga 20 përballje e ka vetëm një 1 humbje më shumë, statistika që skuadrat tjera në Kosovë e ëndërrojnë përball bardhekaltërve. Por, me gjithë këtë rivalitet, Prishtina nuk din për humbje ndaj dy-herë kampionëve, Feronikelit, në 6 ndeshjet e fundit apo dy vite të plota (3 fitore e 3 barazime). Më parë, Feronikeli nuk ishte mposhtur nga Prishtina në 7 ndeshje rresht apo dy vite (5 fitore e 2 barazime).

-Advertisement-

LEXO EDHE: Feronikeli gati për sfidën kundër Prishtinës

Pra, Prishtina kundër një rivali kaq të barabartë, tani e 6 ndeshjet e fundit përballjeve i ka hyrë me respekt maksimal, njëkohësisht e përqendruar plotësisht dhe nuk kanë munguar rezultatet.

Njëjtë Prishtina edhe tani e konsideron përballjen me Feronikelin. Ndeshje kjo që po e kapërce skuadra, atëherë përfundimisht e ka titullin në duart e saja në tre ndeshjet e mbetura.

Megjithatë, Prishtina do të ketë mungesën e Mankendës (me kartonë) dhe Boshnjakut e të Mazrekajt të lënduar, ndërsa nga suspendimi kthehen Taipi e Osmani edhe pse nga 20 futbollistët e ftuar për ndeshje, vetëm para fillimit të saj do të përcaktohen 11-titullarët.

Përndryshe Prishtina në 19 ndeshjet e fundit zyrtare e ka vetëm një humbje, ndërsa Feronikeli nga 6 ndeshjet e fundit nuk e ka asnjë fitore përkundër 5 barazimeve (4 nga to pa gola) dhe një humbje në ndeshjen e fundit.

Prishtina është skuadra më e trofeshme nga viti 1991 me 10 tituj kampioni, 5 trofe të Kupës dhe 9 të superkupës. Feronikeli renditet e treta pas Besës, me 2 tituj të kampionit, 2 trofe të Kupës dhe 1 të superkupës. /INFOKUSI.COM

Subscribe në YouTube: GAZETA INFOKUSI