Sport

Barcelona i gjen shtëpi Coutinhos në Katalonjë

Autori: Gazeta inFokus 16:12 | 27 December 2017

Philippe Coutinho do të ketë mjaft përkrahje për të zënë karar në Barcelonë, me Paulinhon që ka zbuluar se skuadra tashmë është duke kërkuar t’ia gjejë atij një shtëpi banimi.
Liverpooli i hodhi poshtë të gjitha ofertat e Barçës gjatë afatit kalimtar veror, përkundër dëshirës së pangopur të brazilianit për të shkuar në “Camp Nou”, transmeton Express.

Megjithatë, skuadra katalane nuk e ka ndërmend të zmbrapset dhe do të bëjë ofertë për 25-vjeçarin edhe në janar, dhe Paulinho i ka bërë thirrje atij të mbahet fort dhe ta marrë vendimin e duhur nëse i vjen rasti të transferohet në Spanjë.

Ndërkohë, bashkëkombësi i tij, Paulinho, ka bërë shaka duke thënë se bashkëlojtarët e tij po kërkojnë shtëpi për Coutinhon në qytet.

-Advertisement-

“Qyteti tashmë e di për kohën e tij në Espanyol [gjatë huazimit në vitin 2012]. Flas për objektet dhe stërvitjet, grupin dhe për mënyrën se si grupi më pa pritur mua që ishte spektakolare”, ka thënë Paulinho për Mundo Deportivo.

“Bëj shaka se njerëzit po shikojnë t’ia gjejnë një shtëpi atij. Tentoj t’i ofroj informatat themelore, ato më të rëndësishmet për të dhe familjen e tij, sepse koha kur jetoi ai këtu [në Barcelonë] nuk i ka mjaftuar për ta njohur qytetin. Por, ai e di që Barcelona është qytet shumë i mirë, që i ofron gjithçka atij dhe familjes së tij”, shtoi ai.

Subscribe në YouTube: GAZETA INFOKUSI