Lajme

Bajrami: Për herë të parë në histori, një zëvendësministër nënshkruan tenderë milionësh

Autori: Gazeta inFokus 07:18 | 05 September 2023

Hykmete Bajrami, deputete e Lidhjes Demokratike të Kosovës (LDK), tha se kemi për herë të parë në histori një zëvendësministër që nënshkruan tenderë në vlerë milionësh.

“Dështimi për me e bë qoftë një projekt të madh kapital, tregon shumë për logjikën qeverisëse të kësaj Qeverie. Ata tenderët të cilët i kanë dhënë, i kanë dhënë përmes negociimit të drejtpërdrejtë dhe çka nënkupton kjo, domethënë tenderi njëburimor është kur ministri i Infrastrukturës ose zëvendësi i tij, i cili e ka kompetencën… Për herë të parë në historinë e Kosovës, një zëvëndësministër nënshkruan tendera milionësh, domethënë ulen, i thirrin shokët, dashamirët edhe kompanitë ku kanë punu ma herët dhe iu japin tendera”, tha Bajrami.

Bajrami tha se edhe mënyra se si jepen subvencionet është komplet jotransparente.

-Advertisement-

“Kjo nuk ka ndodhë asnjëherë. Edhe kur ka korrupsion, edhe kur ka jobarazi të tillë në treg, domethënë ti i qet kompanitë në pozitë të pabarabartë dhe ato nuk munden me i konkurru njëra-tjetrës. Kur kemi nën-invistime në secilën prej fushave. Ne nuk kemi pa progres as sa i përket parqeve ekonomike, fushave ekonomike, sa i përket inkubatorëve të biznesit. Mënyra se si i japin subvencionet është komplet jotransparente”, tha Bajrami. /BetimipërDrejtësi

Subscribe në YouTube: GAZETA INFOKUSI