Ekonomi

Bajrami: Ministria e Financave s’mund ta bëjë as ekzekutimin e pagave pa e shkelur Ligjin

Autori: Gazeta inFokus 15:47 | 01 October 2024

Deputetja nga radhët e Lidhjes Demokratike e Kosovës, Hykmete Bajrami ka reaguar për ekzekutimin e pagave në sektorin publik, shkruan Gazeta Infokus.

Ky reagim i saj erdhi pas raportimit të Infokusit se emërimi i Xhevat Zejnullahut si ushtrues detyre të drejtorit të përgjithshëm të Thesarit, është i jashtëligjshëm.

Ajo përmes një postimi në “Facebook”, tha se Ministria e Financave s’mund ta bëjë as ekzekutimin e pagave pa e shkelur ligjin.

-Advertisement-

“As një punë që është pothuaj rutinore në Ministrinë e Financave, si ajo e ekzekutimit të pagave me këtë qeveri s’mund të bëhet pa shkelje të Ligjit. Ju tregova edhe më herët që këta që e kanë shkelë 10 herë Kushtetutën e Republikë së Kosovës, e kanë shkelë Ligjin dhjetra herë, e shkelin prapë duke e caktu përtej afatit ligjor një ushtrues detyre në Thesar dhe procedojnë me paga”, ka shkruar Bajrami.

Ndryshe Ligji për Zyrtarët Publik neni 35 thotë se Ushtrues Detyre s’mund të ketë më shumë se një vit dhe në rast të kalimit të mandatit, nuk mund të ricaktoet përsëri një ushtrues detyre mirëpo pozita e drejtorit duhet të mbulohet përmes konkursit publik.

“Në pajtim me paragrafin 1. Të këtij neni, ushtruesja/i i detyrës mund të caktohet zyrtarja/i më i lartë i kategorisë pasuese, në vartësi të pozitës që caktohet, nga cilado njësi organizative brenda institucionit”

“Zyrtarja/i publik nuk mund të caktohet ushtruese/i i detyrës më gjatë se gjashtë muaj. Kur pozita nuk mund të plotësohet brenda afatit gjashtë mujor, ky afat mund të zgjas më së dhumti edhe për gjashtë muaj të tjerë”

“Pozita e lirë nuk mund të zëvendësohet me ushtrues detyre për më gjatë se afati i përcaktuar në paragrafin 3 të këtij neni”

“Çdo veprim i marrë nga ushtruesja/i i detyrës, pas kalimit të afatit të përcaktuar në paragrafin 3. Të këtij neni, është i paligjshëm”.

Ndërkaq mosekzekutimi i pagave shkaktoi reagime të shumta nga opozita, të cilët e cilësuan qeverinë si të papërgjegjshme dhe shpërfillëse ndaj mijëra punëtorëve të këtij sektori./Gazeta Infokus/

Mosekzekutimi i pagave – A po e shkel ligjin qeveria Kurti duke e lënë përsëri Thesarin me u.d Drejtor?

Subscribe në YouTube: GAZETA INFOKUSI
Etiketa:
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

ekonomi