Lajme

Bajra: Prej pavarësisë e këtej asnjë qeveri nuk e ka pas prioritet ekonominë

Autori: Gazeta inFokus 15:16 | 01 July 2023

Në emisionin EURO n7 me Menduh Abazin është analizuar hulumtimi për rrjedhjen 15 vjeçare të ekonomisë së vendit. Profesori universitar, Ujkan Bajra, duke analizuar lëvizjet ekonomike të vendit kanë konkluduar se pothuajse asnjë qeveri që nga pavarësia nuk e ka pasur prioritet zhvillimin ekonomik.

Në bazë të hulutimit të realizuar nga emisioni EURO n7 duke shfrytëzuar të dhënat e Bankës Botërore del se që nga viti 2008 e deri në vitin 2022 rritja ekonomike vjetore nuk e ka kaluar shifrën prej 6% e si rrjedhoj kjo rritje ekonomike nuk ka mundur as të prodhoj vende të reja të punës.

Sipas këtij hulumtimi del se rritja ekonomike në vitin 2008 ishte 5.03% ndërsa në vitin 2022 ishte 3.51%, shifra këto që tregojn se vendi ka pasur ngecje ekonomike.

-Advertisement-

Një indikator tepër më rëndësi për zhvillimin ekonomik janë edhe investimet e huaja direkte neto përqinja e të cilave në vitin 2022 është për 50% më pak se në vitin 2008 të dhëna këto të prodhuara nga Banka Botërore dhe të krahasuara për vite nga EURO n7.

Profesori universitar i Fakultetit të Shkencave Matematikore, Ujkan Bajra thotë se këto të dhëna tregojn se pothuasje asnjë qeveri nuk e ka pasur top prioritet ekonominë, ndërsa që rënia e investimeve të huaja direkte ka të bëjë me klimë aktuale politike në vend.

“Është shumë shqetësues fakti se pothuajse asnjë qeveria zhvillimi ekonomik nuk ka qenë prioritet, këtë më së miri e tregojn shifrat e analizuara nga viti 2008 deri në vitin 2022, nëse I referohemi këtyre të dhënave të Bankës Botërore, Kosova nuk është karakterizuar me një rritje të qëndrueshme ekonomike. Rritja ekonomike është tregues i përbashkët i aktviteteve ekonomike të një qeverie dhe këto shifra tregojn sesa active kanë qenë qeveritë ndër vite dhe poashtu tregojnë se kjo rritje përafërsisht prej 5% për 15 vjet nuk e ka përmirësuar shumë mirëqenien e qytetarëve”, ka thënë profesor Bajra duke analizuar shifrat e nxjerrura nga hulumtimi ynë.

Sipas Bajrës fakti se prej vitin 2009 e këtej është bërë vetëm një reform e thellë e politikave fiskale në vend tregon mjaftueshëm se zhvillimi ekonomik nuk ka qenë top prioritet i qeverie të vendit.

Subscribe në YouTube: GAZETA INFOKUSI
Meridian Express hap marketin e ri në qytetin e Mitrovicës Veriore!
-Advertisement-

Të tjera

Fokusi

lajme