Lajme

Avokati Koci pas plagosjeve në Bon Vivant: Prishtina nuk është e sigurt

Autori: Gazeta inFokus 11:02 | 05 August 2023

Avokati Arianit Koci, ka reaguar pas të shtënave që ndodhën mbrëmjen e së premtës në lokalin “Bon Vivant” në Prishtinë, ku të shtunën një person vdiq nga këto plagë, shkruan Gazeta Infokus

Në këtë reagim, Koci ka thënë se këto statistika janë shqetësuese në gjendje lufte, e lëre më në një vikend të zakonshëm.

Ai gjithashtu ka ngritur disa pyetje rreth rastit.

-Advertisement-

“Si është e mundur tash verës kur jemi të gjithë me maica, në qendër të kryeqytetit të sillën vërdallë, persona të armatosur?

Çka po bën policia?

Krimi ka ndodhur 200 metra prej stacionit policor.

Po sigurimi i lokalit?”, ka shkruar Koci.

Reagimi i plotë:

1.
Një person paska vdekur mbrëmë si pasojë e një përleshjeje me armë zjarri, në qendër të Prishtinës.

4 të plagosur dhe 17 të lënduar!

Çmenduri!

Kjo statistikë, në gjendje lufte është shqetësuese, e lënë më në një vikend të zakonshëm.

2.
Si është e mundur tash verës kur jemi të gjithë me maica, në qendër të kryeqytetit të sillën vërdallë, persona të armatosur?

Çka po bën policia?

Krimi ka ndodhur 200 metra prej stacionit policor.

Po sigurimi i lokalit?

3.
Urgjentisht duhet të krijohen njësi policore intervenuese, që mision të vetëm e kontrollin e personave-së paku në qendrën e Prishtinës, dhe në afërsi të klubeve të natës.

Besoni, po pritoj kur po vjen vikendi, ty ia bajtë gajlën vajzës se ku po del.

Prishtina, definitivisht, nuk është qytet i sigurt.

Subscribe në YouTube: GAZETA INFOKUSI