Sport

Autobiografia e Tottit shkakton polemika (Foto)

Autori: Gazeta inFokus 10:58 | 28 September 2018

Francesco Totti zgjodhi një mrekulli si Koloseu dhe një ditë të shënuar si ajo e lindjes së tij, për të prezantuar autobiografinë e futbollistit të njohur italian.

Libri i titulluar “Kapiteni” është një përshkrim pikant i viteve të lojtarit ikonë të skuadrës së Romës, zhgënjimet dhe polemikat e tij, që janë rindezur disi edhe nga faqet e shkruara së fundmi.

Në librin autobiografik përshkruhen përplasjet e mëdha me trajnerin Spalletti, rivalitetin edhe jashtë fushës me Pavel Nedved, apo dhe partneritetin me një futbollist kontrovers si Antonio Cassano.

-Advertisement-

Në një ceremoni ku ishin të pranishëm shumë personalitete dhe ish-futbollistë të njohur, Totti rrëfeu në 42-vjetorin e tij se, shkroi faqet e personalizuara për të treguar të vërtetën dhe jo për të shkaktuar polemika.

Francesco Totti shtoi gjithashtu se do të kishte dashur ta vendoste ai largimin nga bota e futbollit, e jo të tjerët. “Nëse do të ishte një mënyrë tjetër për largimin tim, do të më pëlqente”, tha ish-kapiteni i Romës.