Lajme

ATK mbledh gati gjysmë milion euro borxhe nga bizneset

Autori: Gazeta inFokus 16:08 | 15 August 2022

Administrata Tatimore e Kosovës (ATK) ka njoftuar sot se ditën e premte ka inkasuar borxhe në vlerë 416.250 euro nga 18 subjekte biznesore.

Në njoftimin për media thuhet bazuar në përgjegjësitë e Departamentit për Menaxhimin e Mbledhjes së Borxheve janë përzgjedhur 18 subjekte me obligime të papaguara në vlerë prej 1.8 milionë euro.

“Pjesa tjetër e borxheve të këtyre bizneseve pritet të inkasohet bazuar në marrëveshjet e reja të lidhura për pagesën e obligimeve tatimore me këste, si dhe marrëveshjeve të ri programuara për bizneset të cilat nuk u janë përmbajtur marrëveshjeve paraprake”, thekson ATK.

-Advertisement-

Menaxhmenti i ATK-së vazhdon ta ketë në prioritet zvogëlimin e stokut të borxheve, si dhe trajtimin në kohë të borxheve të reja.

Subscribe në YouTube: GAZETA INFOKUSI