Lajme

Asociacioni i komunave sot dorëzon padi kundër MASHT-it dhe MSH-së

Autori: Gazeta inFokus 08:15 | 23 August 2022

Asociacioni i Komunave të Kosovës sot dorëzon padi kundër Ministrisë së Arsimit dhe atë të Shëndetësisë.

Drejtori ekzekutiv i këtij asociacioni, Sazan Ibrahimi ka bërë të ditur se këtë padi do ta bëjnë pasi janë dëmtuar me mbi 35 milionë euro.

Kjo për shkak se niveli qendror kishte nënshkruar kontratën kolektive, derisa barra financiare iu kishte vendosur komunave.

-Advertisement-

Dorëzimi i padisë pritet të bëhet në orën 10:30.

Komunave, sipas tij, iu ka dal problem mjaft i madh me zbatimin e kontratës kolektive. Kjo pasi
qeveria ka detyruar që ajo të zbatohet me para të komunave.

“Më 23 gusht përfaqësuesit ligjor dhe juridik të komunave të Republikës së Kosovës, do të deponojnë
padi ndaj Ministrisë së Arsimit, Shkencës dhe Teknologjisë, si dhe Ministrisë së Shëndetësisë. Pra,
komunat janë mobilizuar dhe të gjitha së bashku të martën do ta deponojmë padinë. Në bazë të
analizave të Asociacionit të Komunave të Kosovës, vlerësohet se dëmi i cili i është shkaktuar
komunave me zbatimin e kontratave kolektive duke iu marrë mjetet financiare komunave, është mbi
35 milionë euro dhe ne kemi kërkuar dhe do të kërkojmë përsëri që këto mjete t’iu barten komunave
në mënyrë që projektet kapitale, të cilat janë të parapara të zbatohen me këto mjete financiare dhe të
gjejnë zbatim. Pra, të gjitha këto mjete financiare shkojnë drejtpërdrejt në dobi të qytetarit. Ju janë marrë padrejtësisht komunave sepse kontratat janë nënshkruar nga niveli qendror, kurse barra
financiare i ka rënë komunave”, ka deklaruar ai./kp

Subscribe në YouTube: GAZETA INFOKUSI
Etiketa:
Fillon aplikimi për Global Engineer Girls Kosova

Të tjera

Fokusi

lajme