Sport

Asistimi maestral ndaj Mallorcas nuk është diçka e re, Lamine Yamal kishte bërë edhe dy tjera identike më parë

Autori: Gazeta inFokus 10:54 | 04 December 2024

Ylli sensacional i Barcelonës, Lamine Yamal ka pushtuar përsëri lajmet në mediat botërore pasi u rikthye në fushën e lojës me një paraqitje brilante ndaj Mallorcas të martën mbrëma.

Barcelona është rikthyer te fitores në La Liga pas tri ndeshjeve, duke mposhtur Mallorcan në udhëtim me rezultat të thellë 5-1.

Golat në këtë ndeshje për ekipin e Hansi Flick u shënuan nga Ferran Torres (12’), Raphinha (56’, 74’), Frenkie de Jong (79’) dhe Pau Victor (84’), teksa për vendasit shënoi ylli kosovar, Vadat Muriqi (43’).

-Advertisement-

Megjithatë, edhe pse nuk shënoi gol, Lamine Yamal ishte njëri nga më të mirët dhe pushtoi rrjetet sociale me asistimin e tij te goli i tretë i Barcelonës.

Yamal dha një asistim maestral me trinën e jashtme, duke e vendosur në pozitë të qind për qind Raphinhan, i cili shënoi për rezultat 1-3.

Ky asistim i Yamal bëri bujë të madhe, por nuk është i vetmi i këtij lloji këtë sezon nga sensacioni spanjoll.

17-vjeçar ka asistuar në mënyrën e njëjtë edhe ndaj Villarrealit në fitoren 5-1, përsëri për Raphinha dhe ndaj Espanyolit në fitoren 3-1 për Dani Olmon.

Subscribe në YouTube: GAZETA INFOKUSI
Etiketa:
Nëntori sjellë Magjinë në ETC
-Advertisement-

Të tjera

Fokusi

sport