Lajme

Arrihen dy marrëveshje për koalicion në Vushtrri

Autori: Gazeta inFokus 16:08 | 07 November 2021

Kandidati për kryetar të komunës së Vushtrrisë nga radhët e PDK-së, Ferit Idrizi ka marrë përkrahjen dy partive politike në këtë komunë.

Idrizi ka njoftuar se ka arritur marrëveshje me Partinë Demoktratike Turke të Kosovës dhe Aleancës për Ardhmërinë e Kosovës për garën e balotazhit ndaj LDK-së.

Lajmi e ka bërë të ditur vetë Idrizi përmes një postimi në rrjetin social “Facebook”, teksa ka falënderuar dy partitë.

-Advertisement-

“Të zotuar në qeverisje të mirë, duke harmonizuar programet tona për Vushtrrinë e me besim se do arrijmë të zhvillojmë më shumë qytetin tonë e të krijojmë vende të reja të punës kemi arritur koalicionin me Aleancën për Ardhmërinë e Kosovës – AAK dega në Vushtrri”, ka shkruar kandidati për kryetar.

“Falemnderit KDTP-së, për përkrahjen ndaj kandidaturës sime!

Do të rrugëtojmë së bashku me Partinë Demoktratike Turke të Kosovës, KDTP, pasi kjo parti ka vendosur që fuqishëm të më përkrahë mua në garën për kreyetar komune. Kjo përkrahje tregon besimin e madh që KDTP-ja ka për ne.”, shtoi ai.

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme