Lajme

Arrestohen për shantazh dy shtetas të Maqedonisë së Veriut

Autori: Gazeta inFokus 23:32 | 22 July 2022

Prokuroria Themelore ne Gjilan, në bashkepunim me Policinë e Kosovës, pas marrjes se informacionit se personat e dyshuar S.P. dhe M.S. shtetas te Maqedonisë se Veriut, me qëllim të përftimit të kundërligjshëm të dobisë pasurore për vete, kanë kanosur të dëmtuarin M.S. banor i Gjilanit se do të zbulojnë diçka në lidhje me të, që do të dëmtojë nderin apo autoritetin e tij, në atë mënyrë që e detyrojnë të njejtin të kryejë veprime në dëm të pasurisë së tij, duke ia marrë shumën prej 200,000 Franga Zvicerane.

Prokurori i shtetit ka autorizuar Policinë e Kosovës të ndërmarrë veprime hetimore dhe sot rreth orës 20:10, te njëjtit janë arrestuar në flagrancë duke pranuar shumën prej 6,000 euro.

Me vendim të Prokurorit të Shtetit, të dyshuarit janë ndaluar për 48 orë.

-Advertisement-

Prokuroria Themelore në Gjilan, brenda afatit ligjor do të ushtrojë kërkesë për caktimin e masës së paraburgimit, në gjykaten kompetente.

Subscribe në YouTube: GAZETA INFOKUSI
KosovaMed përmbyll vitin me sukses – dhuron donacione për QKMF-në e Junikut

Të tjera

Fokusi

lajme