Sport

Armin Bosnjak dhe Ballkani ndajnë rrugët pas vetëm gjashtë muajsh!

Autori: Gazeta inFokus 21:28 | 21 December 2020

Armin Bosnjak është dalja e parë nga Klubi Futbollistik “Ballkani” në afatin kalimtar të janarit. Sulmuesi nga Mali i Zi i ardhur me shumë bujë para fillimit të këtij edicioni tashmë edhe zyrtarisht ka ndërprerë marrëveshjen e bashkëpunimit me suharekasit, mëson ekskluzivisht Gazetasheshi.com.

26 vjeçari ka vendosur për t’u larguar nga ‘portokallinjtë’ në mungesë të hapsirave në fushën e lojës, pasi që ka luajtur vetëm 15 minuta në kampionat në duel ndaj Besës së Pejës dhe 45 të tjera në kuadër të 1/16 së finales ndaj Dardanës.

Ish-reprezentuesi i Malit të Zi për moshat e reja është ndarë me “Xhebrailat” pas ndeshjes së fundit kampionale të stinorit vjeshtor ndaj Gjilanit, teksa tashmë është futbollist i lirë.

-Advertisement-

Kontrata e mbante atë të lidhur me Ballkanin deri në vitin 2023, por pasi që ka gjetur gjuhën e përbashkët me drejtuesit e klubit ka vendosur ta mbyll bashkëpunimin pas vetëm gjashtë mujsh të kaluar te ‘portokallinjtë’.

Ish-anëtari i Zeta Golubovac, Rudar Pljevlja dhe Iskra D. nga Mali i Zi kishte disa oferta në Kosovë dhe Shqipëri përpara se t’i bashkohej Ballkanit. Madje, ai ka disa paraqitje në garat ndërkombëtare, mirëpo mos adaptimi me skuadrën nga Suhareka ka bërë që ai ta mbyll para kohe aventurën në Kosovë.

Ditët në vijim pritet të ketë të reja të shumtë në adresën e futbollistit.

Subscribe në YouTube: GAZETA INFOKUSI