Sport

“Armata Kuqezi” premton spektakël për ndeshjen ndaj Gjilanit

Autori: Gazeta inFokus 17:25 | 02 October 2018

Flamurtari këtë edicion po kalon në një formë fantastike, derisa si asnjëherë më parë futbollistët e kësaj skuadre po e ndjenjë praninë e tifozërisë së “Armatës Kuqezi” që këtë edicion kanë qenë të shumtë në numër.

Tifozëria kryeqytetase ka mbushur shkallët e stadiumit të Flamurtarit afër lagjes “Xhemail Ibishi” në kryeqytet, ndërkohë një gjë të tillë synojnë të bëjnë edhe në duelin e së enjtes përballë Gjilanit.

Kryetari i kësaj tifozërie Kreshnik Ibrahimi ka folur për “Gazetën Sheshi” në lidhje me organizimin e kuqezinjëve dhe ka premtuar spektakël për ndeshjen e së enjtes.

-Advertisement-

“Këtë edicion jemi organizuar mjaft mirë dhe është një frymë e re që po mbretëron në tifo grupin tonë. Edhe për duelin e së enjtes ndaj Gjilanit jemi organizuar në mënyrën tonë më të mirë, ndërkohë që premtoj spektakël nga Armata Kuqezi për ndeshjen e së enjtes”, ka thënë Ibrahimi.

Dueli ndërmjet Flamurtarit dhe Gjilanit zhvillohet të enjten me fillim nga ora 15:30 dhe njëherit mbyll siparin e javës së tetë në Ipko Superligë.

Subscribe në YouTube: GAZETA INFOKUSI