Sport

Ardian Limani: Mëkat që ky futbollist nuk ishte në formacionin e vitit

Autori: Gazeta inFokus 22:29 | 27 December 2020

Kapiteni i skuadrës së Dritës, Ardian Limani, ka qenë i ftuar në emisionin ‘Arena Sportive’ në RTK, ku ka diskutuar për stinorin vjeshtor në elitën e futbollit kosovar, shkruan Gazeta inFokus.

Limani në një moment është ndalur për ta komentuar edhe formacionin më të mirë të vitit 2020 të zgjedhur nga FFK-ja, me votat e trajnerëve të Superligës.

Mbrojtësi gjilanas ka thënë se është mëkat që futbollisti i Ballkanit, Blend Baftiu, nuk ishte në 11-shet më të mirë të vitit.

-Advertisement-

“Mendoj që është mëkat që Blend Baftiu nuk ishte në formacionin e vitit, për atë se çka ka bërë gjatë gjithë vitit, me pjesën tjetër të formacionit pajtohem. Numri i golave që ka shënuar Blend Baftiu si mesfushor, ndoshta nuk i shënon as një sulmues, por nuk po ia mohoj cilësitë as të tjerëve që janë në formacion”, deklaroi Limani.

Blend Baftiu pavarësisht që sezonin e kaluar ishte lojtari më i mirë në elitë, me paraqitjet e stinorit vjeshtor nuk bindi trajnerët që ta votojnë për formacion të vitit./Gazeta inFokus/

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

sport