Sport

Arbnor Morina komenton shortin e Kosovës për Kampionatin Botëror 2022

Autori: Gazeta inFokus 19:50 | 07 December 2020

Të hënën në Zurich të Zvicrës është hedhur shorti për kualifikimet e Kampionatit Botëror 2022 që do të mbahet në Katar, shkruan Gazeta inFokus.

Kombëtarja e Kosovës është vendosur në Grupin B, ku do të përballet me Spanjën, Suedinë, Greqinë dhe Gjeorgjinë.

Grupin e ‘Dardanëve’ për Gazetën inFokus e ka komentuar analisti dhe trajneri aktual i skuadrës së Arbërisë, Arbnor Morina.

-Advertisement-

Morina ka një mesazh për “ekspertët” e futbollit në lidhje me Arbërinë | Gazeta Sheshi

Ai ka thënë se nuk është grup i lehtë, por beson në ngritjen e formës së Kosovës.

Morina ka theksuar se tre kundërshtar janë të nivelit më të lartë se Kosova, por ka shtuar se sportive është të besohet që ‘Dardanët’ të bëjnë më të mirën nga vetja e tyre.

“Mendoj që nuk është grup i lehtë edhe pse besoj që Kosova duhet te ketë një ngritje të formës nëse dëshirojmë të ballafaqohemi me sukses me kundërshtarët.

Por me e rëndësishme është që futbollistët të jenë në formë dhe në kontinuitet të lojëve, sepse vetëm ashtu mund të jenë të frytshëm për kualifikime.

Realisht tre kombëtare janë ndoshta në një nivel me të lartë, por sportive është të besohet dhe të mundohemi të bëjmë me të mirën”, ka deklaruar Arbnor Morina për Gazetën inFokus.

Kosova ndeshjen e parë do ta luaj me 24 ose 25 mars të vitit 2021./Gazeta inFokus/

Subscribe në YouTube: GAZETA INFOKUSI