Sport

Anglia me premi marramendëse, këto janë “bakshishet” e kombëtareve për futbollistët

Autori: Gazeta inFokus 21:03 | 22 June 2021

Kur jemi afruar në fazën më të nxehtë të dueleve direkte në Euro 2020, Italia ka konfirmuar vetëm sot premiot për skuadrën në rast suksesi në finalen e Wembleyt në Kampionatin Evropian.

Teksa përfaqësueset e tjera të mëdha, kishin zbarkuar në Evropian duke ditur shifrat që mund të fitonin, të kaltrit mësuan sot se do të përfitojnë 250 mijë euro për kokë nëse arrijnë fitoren e madhe dhe 200 mijë nëse dalin të dytët. Gjithsesi do të kenë edhe premio nga 150 mijë euro për gjysmëfinalen dhe 80 mijë për kokë për arritjen në çerekfinale.

Krahasuar me rivalët e tjerë të mëdhenj të Evropianit, Italia është disi larg po të mendosh që Anglia do të marrë 540 mijë euro për kokë, “kampione” e vërtetë në këtë aspekt teksa në vend të dytë është Belgjika me 435 mijë euro për çdo lojtarë në rast suksesi.

Gjermania dhe Spanja kanë mësuar prej kohësh që premio për lojtarët do të jetë 400 mijë euro për çdo futbollistë nëse fitojnë në finale dhe më pas vijnë Franca e Portugalia me 340 mijë euro premio, pak më shumë se 320 mijë eurot që u janë premtuar danezëve.

Ndërkohë që më dorështrënguara nga ekipet e mëdha të Europianit është Holanda që do të marrë vetëm 200 mijë euro për kokë për çdo lojtarë. Shifrën më të lartë të premtuar për kombëtaren e mban Turqia ku në Europianin e 2016 çdo lojtari u ishte premtuar 750 mijë euro për kokë por që në fakt ata e pësuan shpejt pasi nuk kaluan as grupin.

 

 

 

 

 

Të tjera