Sport

Ancelotti: Fitojmë në “Camp Nou”, jemi mësuar me përmbysje

Autori: Gazeta inFokus 14:21 | 03 March 2023

Carlo Ancelotti nuk e bën dramë humbjen në gjysmëfinalen e parë të Kupës së Mbretit ndaj Barcelonës. Skuadra e Xavit triumfoi 0-1 në “Santiago Bernabeu”, por trajneri italian beson te përmbysja dhe kalimi në finale.

“Nuk arritëm të siguronim rezultatin që donim, por performanca e skuadrës na mbush plot besim për ndeshjen e kthimit. Duhet të përsërisim këtë lojë edhe në Barcelonë.

Ata qëndruan mbrapa, u mbrojtën shumë mirë, por ne nuk i lejuam të zhvillonin futbollin që donin të luanin. Kjo është sigurisht një meritë dhe një ogur i mirë për sfidën në ‘Camp Nou’.

-Advertisement-

E nisëm dhe e përfunduam mirë ndeshjen, por paguam një gabim individual. Jemi të kënaqur, nuk është kurrë e lehtë të kontrollosh ndeshjen ndaj një kundërshtari si Barcelona.

Duhet të kthejmë rezultatin, por nuk është hera e parë që na ndodh. Pres të njëjtin intensitet në takimin e kthimit. Duhet të krijojmë më shumë raste për gol. Barcelona do të luajë ndryshe në fushën e vet”, u shpreh Ancelotti.

Subscribe në YouTube: GAZETA INFOKUSI