Lajme

Ambasadori francez thirrje për kursim të energjisë, tregon masat që kanë marrë në rezidencë

Autori: Gazeta inFokus 10:59 | 04 February 2023

Ambasadori i Francës në Kosovë, Oliver Guerot, ka shpërndarë një video vetëdijësuese për kursimin e rrymës, duke treguar masat që kanë marrë në rezidencën e tyre për t’u solidarizuar me Kosovën në këtë krizë energjetike.

Një ndër masat e ndërmarra në ambasadë dhe rezidencë është që të mos ndizet drita kur nuk është askush në ndonjë pjesë të objektit.

“Në ambasadë kemi krijuar një grup për të mbledhur të gjitha idetë për reduktimin e konsumit tonë. Përpjekjet tona tashmë po japin rezultat: nga rezultati deri në dhjetor, konsumi ynë është ulur për 5% në krahasim me të njëjtën periudhë të vitit paraprak edhe pse jemi më shumë persona në ambasadë dhe kemi blerë një makinë elektrike franceze, natyrisht për të përmirësuar kualitetin e ajrit në Prishtinë e për të mos rritur konsumin tonë të përgjithshëm”.

-Advertisement-

Guerot ka treguar edhe për disa nga masat që ka marrë Franca, derisa ka dhënë një mesazh në fund.

“Mbani mend, gjestet e vogla kanë rëndësi!”.

Këtë video e ka shpërndarë edhe Ministria e Ekonomisë.

Subscribe në YouTube: GAZETA INFOKUSI
Fillon aplikimi për Global Engineer Girls Kosova

Të tjera