Lajme

Ambasada britanike përshëndet koordinimin e KFOR-it me FSK-në, për gjetjen e trupit të 33 vjeçarit në Ujman

Autori: Gazeta inFokus 10:43 | 30 Korrik 2025

Ambasada e Mbretërisë së Bashkuar ka reaguar pas bashkëpunimit mes KFOR-it dhe Forcës së Sigurisë së Kosovës (FSK), në operacionin e kërkim-shpëtimit për 33-vjeçarin që u hodh në liqenin e Ujmanit.

Përmes një deklarate zyrtare, ambasada ka vlerësuar koordinimin institucional dhe ka përgëzuar KFOR-in për mbështetjen e ofruar, ndërsa ka theksuar aftësitë e dëshmuara të FSK-së në operacione të tilla.

“Operacioni është dëshmi e përsosmërisë së aftësive të kërkim-shpëtimit të FSK-së dhe në përputhje me marrëveshjet afatgjata midis KFOR-it dhe FSK-së. Ne e përgëzojmë KFOR-in për mbështetjen dhe sigurinë e ofruar gjatë tërë operacionit dhe i shprehim ngushëllime familjes së viktimës”, thuhet në njoftim.

-Advertisement-

Ambasada nënvizon se bashkëpunimi i ngushtë ndërmjet KFOR-it, FSK-së, Policisë së Kosovës dhe EULEX-it është thelbësor për suksesin e misionit të KFOR-it dhe për ruajtjen e një mjedisi të sigurt për të gjithë qytetarët dhe komunitetet në Kosovë.

Ndryshe nga reagimi i Ambasadës gjermane, deklarata britanike nuk përmend politizimin e çështjes së dërgimit të ushtarëve të FSK-së në veri të vendit./Gazeta Infokus

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy