Lajme

Aliu: Tashmë kemi hapur zyrtarisht korridoret ajrore me Republikën e Shqipërisë

Autori: Gazeta inFokus 19:06 | 05 January 2024

Ministri i Mjedisit, Liburn Aliu, ka njoftuar se tashmë Kosova ka hapur zyrtarisht korridoret ajrore me Shqipërinë.

Përmes një postimi në Facebook, ai ka thënë se ky synim i kamotshëm shënon një arritje tejet të rëndësishme në fushën diplomatike të të dy shteteve.

Ministri Aliu ka pubikuar një video, në të cilat shihen disa pamje nga Aeroporti i Prishtinës “Adem Jashari”.

-Advertisement-

“Fluturimet në drejtim të perëndimit dhe ato reciproke janë shkurtuar dukshëm, e përveç se po udhëtojmë lirshëm pa viza në zonën shengen, tani qytetarët tanë po përfitojnë substancialisht edhe nga optimizimi i kohës në udhëtime”, ka shkruar Aliu.

Ndërkaq ditë më parë, ministri ka thënë se fluturimet drejt vendeve të Perëndimit do të shkurtohen për gati 15 minuta.

“Nga 1 janari, bashkëatdhetarët, përveç që do të udhëtojnë pa viza, do të kursejnë edhe më shumë kohë”, ka thënë Aliu.

Pas hapjes së korridorit ajror të Kosovës me Shqipërinë, përveç shkurtimit të kohës së fluturimit, pritet të zvogëlohet edhe çmimi i biletave.

Subscribe në YouTube: GAZETA INFOKUSI
Etiketa:
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme