Albert Bunjaki flet për situatën në kombëtare, Superligën dhe të ardhmen
Autori: Gazeta inFokus 11:34 | 23 October 2020
Ish-trajneri i Përfaqësueses së Kosovës në futboll, Albert Bunjaki është rrëfyer në një bisedë të gjatë me “Zeri.info” në lidhje me pikëpamjet e tij për “Dardanët”, situatën aktuale te Përfaqësuesja, Superligën e Kosovës, formën e lartë të Mirlind Dakut dhe të ardhmen e tij.
“Dardanët” pas pranimit në UEFA dhe FIFA debutuan në eliminatoret e Kupës së Botës 2018 nën drejtimin e Bunjakit.Pas largimit të tij nga detyra, erdhi zvicerani Bernard Challandes, i cili e nisi mbarë aventurën me Kosovën, duke e fituar Ligën D të Kombeve, dhe duke e dërguar skuadrën pranë Kampionatit Evropian “Euro 2020”.Megjithatë, tani gjërat nuk duken të jenë në binarë, pasi “Dardanët” nuk kanë fituar që një vit si dhe e humbën mundësinë e kualifikimit në “Euro 2020” pas humbjes nga Maqedonia e Veriut në gjysmëfinalen e “play-offit” këtë muaj.
Fillimisht, Bunjaki ka analizuar paraqitjet e fundit të Kosovës, derisa thotë se kalimi i Kosovës në Ligën C të Kombeve është real.
“Përfaqësuesja e Kosovës padyshim ka pasur zhvillim gjatë gjithë kohës që nga krijimi i saj dhe se është normale tani pas 20 ndeshjeve ndërkombëtare ta dimë saktë kapacitetin e saj”, ka thënë fillimisht Albert Bunjaki duke vazhduar:
“Pra, për momentin është reale që ne jemi në grupin C dhe këtu do gjendemi për disa vite deri sa të marrim hapin tjetër që sigurisht do vjen me kalimin e kohës”.
Ai ka thënë se është e çuditshme se si UEFA e lejon të nis një garë akoma pa përfunduar një tjetër, duke iu referuar edicionit të kaluar dhe atij aktual të Ligës së Kombeve.
“Të them të drejtën është paksa e çuditshme pasi UEFA po lejon të nis një garë pa përfunduar e para dhe kur kësaj i shtohen rrethanat e pandemisë, e bëjnë shumë të komplikuar. Duhet të kemi durim dhe me kohë gjërat do të zhvillohen më tutje. Për momentin ky është kapaciteti ynë”, tregon më tej Bunjaki.
Se a duhet të ketë ndryshime te “Dardanët” në prag të ndeshjeve të radhës pas rezultateve të dobëta kohëve të fundit, Bunjaki tha:
“Te ndryshimet duhet urgjent të mendojmë për ta rritur konkurrencën në pozicione, sidomos në atë të portierit, mesfushorit qendror dhe deri diku te qendërmbrojtësit. Jemi shumë të ndjeshëm me mungesën e disa lojtarëve dhe kjo ndikon shumë”.
“Te stafi teknik? Kjo është një pyetje për FFK-në dhe jo për mua. Por personalisht mendoj se stafi teknik aktual duhet të ketë përkrahje”, potencoi Albert Bunjaki.
Më tej, Bunjaki ka analizuar edhe edicionin aktual në Superligë, duke thënë se ky vit është i Ballkanit.
“Për aq sa kam parë ky vit do të jetë i Ballkanit dhe këtu shoh natyrisht edhe Dritën dhe Gjilanin që mund të kyçen në luftën për titullin e kampionit”, tha Bunjaki.
Bunjaki ka folur edhe në lidhje me atë nëse ndonjë futbollist që luan në Superligën e Kosovës ka kapacitet të luajë për Përfaqësuesen A.
“Mendoj se Daku është shumë afër ftesës dhe jam i sigurtë se shumë shpejt mund të ftohet, por mos të harrojmë se Superliga e Kosovës dallon nga garat ku Kosova është duke marrë pjesë, por për aq sa kam parë, jam i bindur se Daku do të jetë te Kosova A, por edhe në një ligë më të fortë”, theksoi ish-trajneri i Kosovës.
Për fund, Bunjaki ka thënë se do t’i rikthehet futbollit, derisa zbulon se është duke pritur ndonjë ofertë nga FFK-ja.
“Për momentin jam në pritje të një oferte nga FFK-ja për bashkëpunim, por e gjithë kjo është në dorën e tyre. Kam shpreh interesim për bashkëpunim. Si gjithmonë jam i gatshëm të kontribuoj në vendin tim dhe jam shumë i motivuar për një projekt të ri”, përfundoi të enjten për “Zeri.info” Albert Bunjaki.
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...