Lajme

Ahmeti: Temperaturat dhe pakujdesitë mund të shkaktojnë dëme të mëdha në pyje

Autori: Gazeta inFokus 12:51 | 13 April 2018

Njohësi i çështjeve të emergjencave, Tahir Ahmeti përmes një postimi në ‘facebook’ ka komentuar problemet me zjarret pyjore në Kosovë.

Ahmeti ka shkruar se ngritja e temperaturave dhe pakujdesitë nga qytetarët mund të qojnë në dëme të mëdha dhe rrezikim të jetës së qytetarëve të Kosovës.

Më poshtë mund të gjeni të plotë statusin e Ahmetit.

-Advertisement-

“Me fillimin e ngritjes së temperaturave, kanë filluar edhe problemet e para me zjarret pyjore.

Një pakujdesi e vogël, qoftë ajo edhe krejtësisht e paqëllimshme, mund të shkaktojë dëme të mëdha në pyje, në toka bujqësore dhe në ambientin në përgjithësi. Sigurisht, më e rëndësishmja për t’u kuptuar është rrezikimi i jetës së qytetarëve të Kosovës.

Duhet bërë përgatitjet maksimale profesionale për parandalimin dhe pakësimin e këtyre zjarreve, si dhe të përfshihet komuniteti lokal i atyre zonave ku zakonisht ndodhin zjarret, qoftë me trajnime të prestarëve të komunitetit, qoftë me fletushka vetëdijesuese të përgatitura për mënyrën e parandalimit dhe luftimit të këtyre zjarreve.”

Infokusi mbrëmë kishte raportuar për zjarrin që ka përfshirë një pjesë të madhe të malit në fshatin Llapashticë të Podujevës. Pavarësisht se zjarri kishte filluar rreth orës 17:00 tek rreth mesnatës zjarrfikësit kishin arritur ta lokalizonin./INFOKUSI

Subscribe në YouTube: GAZETA INFOKUSI
Etiketa:
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme