Fokus

Afro dy muaj që nga përfundimi i aplikimeve, çfarë po ndodh me konkursin për policë të rinj?

Autori: Samire Jaha 16:33 | 12 January 2022

Ka kaluar më shumë se një muaj që kur ka përfunduar konkursi për pranimin e policëve të rinj, shkruan Gazeta Infokus.

Policia e Kosovës këtë konkurs e kishte hapur me datën 28 tetor të vitit 2021 e që koha e aplikimit për të interesuarit ishte deri me 16 nëntor.

Mirëpo ende edhe pas gati dy muajsh nuk ka filluar faza e testimit të të rinjve që kanë aplikuar.

-Advertisement-

Se çfarë ndodhi me konkursin e hapur qysh vitin e kaluar për Gazetën Infokus, zëdhënësi i Policisë së Kosovës, Baki Kelani, ka thënë se ende janë duke u shqyrtuar aplikacionet.

“Jena tu i bë kontrollet e aplikacioneve dhe qëllimi ynë është që me i prit ata të rinj nëse kanë pas me e bashkëngjit ndonjë dokument shtesë, se aplikimi ka qenë për herë të parë online dhe komisioni është tu i rishiku që i verifikon saktë dhe ne nuk po duamë me dalë sot me thanë kanë apliku qikaq dhe nesër dalim  i ndryshojmë shifrat… Nuk po dojmë me dalë me i ndryshu shifrat, prandaj jemi duke e prit kontrollin përfundimtarë të Komisionit dhe në atë moment qe komisioni na jep numrin e saktë ne tregojmë”, ka deklaruar Kelani për Infokus.

Ai po ashtu ka treguar edhe për arsyet e vonesave në këtë konkurs.

“Besojmë që shumë shpejtë edhe për shkak të pushimeve që kanë qenë por shumë shpejtë kanë me dalë dhe do të ju tregojmë”, ka thënë ai.

Kujtojmë se pas mbylljes së afatit të caktuar ky konkurs ishte shtyrë dhe rihapur edhe për 10 ditë të tjera në mënyrë që të aplikonin edhe ata që nuk kishin aplikuar deri në datën e caktuar.

Policët e rinj sipas konkursit do të zgjidheshin në bazë të disa kritereve.

Këto kritere janë që të jetë shtetas i Republikës së Kosovës; Të jetë i moshës 18-30 vjeçar; Të ketë të përfunduar shkollimin e mesëm; Të jetë në gjendje të mirë fizike, mentale dhe emocionale; Të mos jetë i dënuar për ndonjë vepër penale; Të mos posedojë në vend të dukshëm tatuazh (fytyrë, qafë, duar);Të ketë integritet personal dhe vlera të larta etike.

Po ashtu për t’u pranuar këta aplikantë duhet të ju nënshtrohen këtyre testeve,Testi me shkrim; Testi i aftësive fizike; Intervista; Testi psikologjik; Kontrollimi mjekësor; Verifikimi i të kaluarës, fazë kjo e cila ende nuk është realizuar./Gazeta Infokus/

Subscribe në YouTube: GAZETA INFOKUSI
Etiketa:
KosovaMed përmbyll vitin me sukses – dhuron donacione për QKMF-në e Junikut
-Advertisement-

Të tjera

Fokusi

fokus