Sport

Abrashi: Stadiumi të ndërtohet në Prishtinë, qeveria dhe komunat të rrisin buxhetin

Autori: Gazeta inFokus 14:17 | 30 October 2017

Nënkryetari i AAK-së, Gazmend Abrashi ka thënë se stadiumi nacional duhet të ndërtohet në Prishtinë.

Ai përmes një postimi në Facebook ka kërkuar nga qeveria e udhëhequr nga Ramush Haradinaj dhe komunat e Kosovës të rrisin buxhetin për sportin.

Ky është postimi i Gazmend Abrashit:

-Advertisement-

Stadiumi të ndërtohet në Prishtinë, Qeveria Haradinaj dhe komunat ta rrisin buxhetin për sportin dhe sportistet

Afirmimi më i lehtë i vendit tonë është përmes sportit. Konstatimi se sporti është ambasadori më i mirë i vendit tonë është realitet. Dihet se sporti më popullor në botë është futbolli. Reprezentacioni ynë i futbollit edhe pse pa rezultate, po krijon një hije të keqe që nuk kemi stadium sipas standardeve të pranuara ndërkombëtare. Stadiumi të ndërtohet sa më parë, së pari në kryeqytet, e pastaj edhe diku tjetër ku është e arsyeshme.

Duhet të rritet buxheti për sport si në nivel qendror, poashtu edhe në atë lokal, si një përkujdesje e veçantë për qytetarët, duke ju krijuar kushte për të zhvilluar aktivitete sportive, si pjesë e pandashme e ruajtës së shëndetit.

Subscribe në YouTube: GAZETA INFOKUSI