Lajme

Abdixhiku: “ Rruga e Re” u bë që në ditën e parë të qeverisë t’i kemi gjërat konkrete

Autori: Gazeta inFokus 22:09 | 19 September 2023

Kryetari i LDK-së, Lumir Abdixhiku, duke folur për programin “Rruga e Re”, ka thënë se nuk ka dashur që ky program të bëhet një javë para fushatës.

Ai tha se ky program është bërë shumë më herët, në mënyrë që LDK si parti në pushtet t’i ketë gjerat konkrete, se çka dhe si duhet të veprojnë

“Nuk kam dashur që programet politike t’i bëjmë 1 javë para fushatës. Kam dashur që ky program të ndërtohet me kohën në komunikim. Të jetë mirë i menduar, që ditën e parë të qeverisë, mos t’i mendojmë gjërat. Por ministrat t’i dinë punët që i kanë”, është shprehur Abdixhiku.

-Advertisement-

Abdixhiku ka kërkuar që debati publik të orientohet në këto projekte.

“Jemi ngufatur në çështjet e të shkuarës”, ka thënë Abdixhiku.

Kreu i LDK-së tha se programi “Rruga e Re” do të prezantohet në detaje, në fund të tetorit apo në fillim të nëntorit, ka deklaruar Abdixhiku në Rubikon.

Subscribe në YouTube: GAZETA INFOKUSI