Lajme

Abdixhiku citon Rugovën: ‘Familja Jashari po mbronte pragun e shtëpisë’

Autori: Gazeta inFokus 13:18 | 06 March 2023

Në Kuvendin e Kosovës është duke u mbajtur seanca solemne në 25 vjetorin e “Epopesë së UÇK-së”.

Kryetari i Lidhjes Demokratike të Kosovës, Lumir Abdixhiku, ka thënë se 25 vjet më parë në Prekaz, familja Jashari po e mbronte pragun e shtëpisë.

“Siç thoshte edhe Rugova: Adem Jashari dhe familja e tij po e mbronin pragun e shtëpisë. Një popull që e do lirinë, do ta fitonte atë një ditë. Thirrja e familjes Jashari kumbon edhe sot. Na vjen si thirrje për ribashkim të brendshëm dhe atdhedashuri”.

-Advertisement-

“Sot në përvjetorin e 25-të kujtojmë të gjithë të rënët për liri. I nderuari baca Rifat Jashari sot në Prekaz më tha se ‘dhimbjen e kemi kapërcyer’. Por, qëllimi i shuarjes i trungut tuaj familjar një çerek shekulli më parë, ishte qëllimi i shuarjes së vetë popullit të Kosovës”.

“Qëndresa juaj atëherë ishte rilindja jonë kombëtare. Rilindja juaj sot si familje me breza të rinj, është qëndresë e jona që na mban në rrugën përpara”.

Subscribe në YouTube: GAZETA INFOKUSI