Lajme

Abazi thotë se Njësia Speciale duhet të tërhiqet nga veriu

Autori: Gazeta inFokus 23:21 | 27 June 2023

Deputeti, Haki Abazi vlerëson se në këtë situatë kryetarët dhe Njësia Speciale duhet të tërhiqen nga veriu.

“Po të isha unë këshilltar i z. Kurti, ose vendimmarrës, në konceptet e sigurisë çështja e parë që do të bëja është ‘disengagement’, me u largu komplet prej veriut, në kuptimin institucional të masave të sigurisë, jo në aspektin e kontrollit kushtetues e ligjor. Për me e kthy situatën prej një krize, se deshe s’deshe në momentin kur e nxjerr policinë, njësinë speciale, ti e ke nxjerr aparatin e dhunës aty”, ka thënë Abazi.

Sipas Abazit, përgjigjja në pyetjen ku po e sheh Blinkeni dhunën, është që shteti konsiderohet aparat i dhunës.

-Advertisement-

“Kur shtrohet pyetja ku po e sheh Blinkeni dhunën, është që shteti sipas definicionit është aparat i dhunës. Në momentin kur ti e dërgon njësinë speciale atje,  nuk po flasim për kapacitetet që i kemi, se burra e gra që janë aty mendoj që janë jashtëzakonisht mirë të përgatitur. Çështja është që ata duhet me vepru përbrenda një plani politik ku ti nxjerr rezultate pozitive”, ka thënë Abazi në Këndin e Debatit në Tëvë 1.

Subscribe në YouTube: GAZETA INFOKUSI
Përsëri në shkollë me Viva Fresh Store!  
-Advertisement-

Të tjera

Fokusi

lajme