Lajme

“A u ardhë Andi”, Minxhozi tregon historinë me punëtoren e Ambasadës që se kishte kuptuar

Autori: Gazeta inFokus 18:07 | 24 May 2023

Ambasadori i Shqipërisë në Kosovë, Qemajl Minxhozi në FRONTAL të T7 ka treguar për vështirësitë e tij me disa fjalë të dialektit kosovar në kohën kur ka ardhur si ambasador në Prishtinë.

Ai thotë se para se të bëhej ambasador, ka qenë një herë në Kosovë në vitin 1999.

Minxhozi ka treguar se kanë qenë fjalë të shkëputura ato që s’i kanë kuptuar si fjala “ksajde”.

-Advertisement-

“Ne kemi ndjekur Kosovën në distancë. Para se të bëhesha ambasador, kam qenë vetëm një herë në Kosovë. Në vitin 1999 kam qenë. Ka fjalë të shkëputura si fjala “ksajde”, në Shqipëri thonë aty rrotull, vërdallë. Por kjo s’do të thotë që kemi nevojë për përkthim”, ka thënë ambasadori Minxhozi.

Ai tutje ka treguar edhe një rast me një punëtore të Ambasadës, një muaj pasi ishte vendosur si ambasador, kur ajo e kishte pyetur “A u ardhë Andi’

“Më ka thënë një herë një punonjëse në Ambasadë. Kisha një muaj që isha këtu dhe më pyeti “Auardhandi”. Thash çfarë thua. Tha “A u ardhë Andi”, ka treguar Minxhozi.

“Por thotë se një çështje e tillë s’është shqetësim.

Subscribe në YouTube: GAZETA INFOKUSI