A ka draft për Asociacionin, Kurti: Kam prezantuar draft-vizionin, mund ta thelloj atë nëse ka pajtueshmëri
Autori: Gazeta inFokus 14:02 | 08 June 2023
Kryeministri Albin Kurti sot në Kuvend u pyet nga deputetja e PDK-së Ariana Musliu-Shoshi nëse ka filluar puna për hartimin e draftit të Asociacionit dhe nëse e ka formuar ekipin për ta bërë këtë punë
Kurti nuk tha që ka hartuar një draft të tij siç po i kërkohet nga ndërmjetësit, por tha se ka prezantuar draft-vizionin dhe se për ta thelluar atë fillimisht duhet pajtimi në parim nga pala tjetër.
“Unë kam propozuar një draft-vizion për të zbatuar nenin 7 të marrëveshjes bazike e në lidhje edhe me nenin 10 për të cilin nuk kam pranuar së pari aprovimin e palës tjetër që s’e pranoi fare dokumentin e më pas edhe të Brukselit zyrtar që vazhdon ta konsiderojë këtë çështje të hapur. Tash e tutje mund të diskutojmë në kuadër të dialogut të Brukselit, pra është një çështje e hapur nga pikëpamja e Brukselit për zbatimin e nenit 7 të marrëveshjes sipas vizionit tim të prezantuar në Bruksel dhe i cili përfaqëson shkronjën dhe frymën e Kushtetutës sonë”.
Por, Musliu sërish e pyeti se si do të duket statuti i tij.
Në përgjigje Kurti përsëriti se qëndrimi i tij për këtë çështje është publik në dy faqet e publikuara të draft-vizionit të tij të prezantuar në Bruksel.
“Në takimin e fundit më 2 maj unë kam prezantuar draft-vizionin për atë që thuhet në nenin 7 si nivel adekuat i vetëmenaxhimit të komunitetit serb. Pra, unë kam prezantuar draft-vizionin e si duket ai më së miri e shpjegon teksti dyfaqësh. Pra, porsa të lexohet teksti kuptohet si do të duket në vijim dhe konkretisht unë jam inspiruar nga modeli i Kroacisë për pakicat kombëtare për tri arsye. E para; Kroacia ka dalë nga lufta gjatë shpërbërjes së dhunshme të ish-Jugosllavisë sikurse Kosova. E dyta; për shkak se Kroacia është shembull suksesi i vendit anëtar në BE dhe NATO. E treta; për shkak se Serbia e ka një marrëveshje tashmë me Kroacinë për marrëdhënie të mira fqinjësore dhe ku përfshihen edhe të drejtat e pakicave kombëtare”.
“Pra, si duket e kam dhënë vizionin. Ai është dy faqe dhe është publik dhe të gjithë mund ta lexojnë atë. Unë këtë mund ta thelloj, por thellimi i kësaj nënkupton pajtueshmëri në parim. Pra, kur të pajtohemi në parim, përfshirë edhe ato shtyllat që i kam thënë në Ohër më 18 mars, ne lirisht mund ta thellojmë tekstin, por nuk mund të shkruajmë tekste alternative ndërmjet të cilave mund të gjendet mesatarja aritmetikore pa u pajtuar njëherë në pajtim”.
Ndërkaq, Musliu-Shoshi tha se aleatët kërkojnë propozim dhe jo vizion.
“Kemi obligime ligjore sepse jemi shtet i pavarur”, tha ajo.
Të tjera
-
Dita Botërore e Mësuesve: Nderimi i shtyllave të arsimit
Sot, më 4 tetor, festohet Dita Botërore e Mësuesve, një ditë që nderon punën ...
-
Kurti: Serbia është zëri i Rusisë, Kosova është sukses i NATO-s
Kryeministri i Kosovës, Albin Kurti, në një intervistë për televizionin polak...
-
Rekomandimi që uji nga Badoci të mos përdoret për pije, harta e zonave që furnizohen nga ky liqen
Instituti Kombëtar i Shëndetësisë Publike ka rekomanduar që uji nga Liqeni i ...
-
Drejtuesja e sigurisë kibernetike: Armiqtë e SHBA-së, asnjë mundësi të ndryshojnë rezultatet e zgjedhjeve
Gati një muaj nga dita e zgjedhjeve, drejtuesja e agjencisë kombëtare të sigu...
-
Sveçla: Policia jonë po fuqizohet për çdo ditë
Ministri i Punëve të Brendshëm, Xhelal Sveçla, ka mirëpritur furnizimin me pa...
-
Libri me kujtimet e Boris Johnson, nga Covidi te Kosova
Libri me kujtimet e Boris Johnsonit, i quajtur “Unleashed”, vjen në 772 faqe ...
-
Sot është Dita Botërore e Kafshëve
Dita Botërore e Kafshëve shënohet çdo vit më 4 tetor për të rritur ndërgjegjë...
-
Qytetarëve serbë në veri u shkojnë paralajmërime për ndërprerje të rrymës, 15 ditë afat t’i shlyejnë borxhet
Qytetarët e komunitetit serb në veri të Kosovës janë duke marrë ditëve të fun...
-
Çfarë është virusi vdekjeprurës Marburg që po përhapet në Afrikë dhe sa e rrezikuar është Evropa? Ende nuk ka një vaksinë
Autoritetet kompetente në Gjermani dhanë fundin e alarmit për dy rastet e dys...
-
PAMJE TË RËNDA/ TRAGJIKE! Autobusi plot me dasmorë bie në një luginë, mori 7 jetë e u plagosën dhjetëra të tjerë
Një autobus u rrëzua në një luginë në provincën jugperëndimore të Balochistan...
-
Nëntë ish-ministra intervistohen nga Komisioni hetimor për tekste
Komisioni Hetimor Parlamentar për procesin e subvencionimit të blerjes së tek...
-
Kurti: Serbia është zëri i Rusisë, Kosova është sukses i NATO-s
Kryeministri i Kosovës, Albin Kurti, ka deklaruar se Serbia është zëri i Rusi...