Fokus

A është vendosur ende se kush do të vijë në krye të ministrisë së shëndetësisë? Flasin nga zyra e kryeministrit

Autori: Gazeta inFokus 14:11 | 27 October 2022

Kanë kaluar afro një muaj që kur ish ministri i Shëndetësisë, Rifat Latifi, ka dhënë dorëheqje e ende nuk është dhënë asnjë emër se kush do të vie në krye të kësaj ministrie.

As qeveria nuk duket të ketë ende ndonjë ide se kënd ta vendose në këtë pozitë. Nga zyra e kryeministrit të pyetur nga Gazeta Infokus nëse kanë filluar diskutimet apo është vendosur për një emër në ministrinë e shëndetësisë ata në përgjigjen e tyre kanë lavdëruar punën e ushtrueses së detyrës së ministres, Dafina Gexha Bunjaku.

Ndërsa sa i përket asaj se kush do të jetë ministër, zëdhënësi i zyrës së kryeministrit, Përparim Rama ka thënë se opinioni do të njoftohet sa po të merret një vendim.

-Advertisement-

“Ministria e Shëndetësisë aktualisht drejtohet nga ushtruesja e detyrës së ministres së Shëndetësisë, dr. Dafina Gexha Bunjaku, e cila ka një përvojë të gjatë në fushën dhe sektorin e shëndetësisë. Sa përket emrit të ri të kësaj ministrie, kurdo që për të të vendoset, do të njoftoheni me kohë”, ka thënë Kryeizu për Infokus.

Kujtojmë se ish ministri Latifi dha dorëheqje në fillim të muajit tetor përmes një letre të cilën ia dorëzoi kryeministrit të Kosovës, Albin Kurtit.

Në letër thuhej se pas disa reflektimeve në muajt e fundit, Latifi kishte vendosur të jepte dorëheqje.

“Me zhgënjim të thellë dhe keqardhje pas shumë reflektimesh për disa muajt e fundit po ju informoj se në mënyrë efektive iu ofroj dorëheqjen time nga posti i ministrit të Shëndetësisë të Republikës së Kosovës, se që nga sot me datën 6 tetor 2022”, thuhet në letrën e dorëheqje.

Deri në dorëheqjen e Latifit pati shumë ankesa e reagime për mos punën e tij në ministri, madje nga qytetarët filloj të quhej edhe si ministri i udhëtimeve, e nuk ishin të rralla talljet që bëheshin se ai nuk e kishte kaluar asnjë ditë në Kosovë që prej kohës kur mori postin. Mirëpo pavarësisht kësaj në letrën  dorëheqjes Latifi është shprehur i gatshëm të raportojë për të arriturat e tij sa ishte në krye të shëndetësisë./Gazeta Infokus/

Kurti për Rifat Latifin: Për 10 muaj bëri çfarë ka mundur

 

 

Subscribe në YouTube: GAZETA INFOKUSI
Vrasja e Lulzim Fejzullahut, vjen reagimi i parë nga ministrja Haxhiu
-Advertisement-

Të tjera

Fokusi

fokus