Rozë

A do të jetë ky banori i ri i Big Brother VIP Kosova?

Autori: Gazeta inFokus 11:15 | 23 January 2026

Artisti Albi, i ftuar në emisionin Zgjohu, është pyetur nëse do të ishte pjesë e formatit më të ndjekur në vend, “Big Brother VIP Kosova”.

Ai pranoi se ka pasur diskutime dhe përmendje të shumta rreth pjesëmarrjes së tij, madje edhe se ka qenë pranë vendimit për të hyrë në shtëpinë më të famshme.

“Në fakt ma kanë përmend shumë, edhe unë normal i shikoj opsionet dhe mundësitë që janë të mira për mua. Ma kanë përmend shumë dhe kam qenë disi afër që me marrë pjesë, por pastaj jam tërhequr,” u shpreh ai.

-Advertisement-

Albi theksoi se arsyeja e tërheqjes lidhet me ndryshimin e dinamikës së lojës ndër vite.

“Jam tërhequr sepse sot loja e Big Brother nuk është si ka qenë dikur. Sot po kanë shumë presion lojtarët, vitet e kaluara ka pasur më shumë elegancë dhe kulturë. Unë jam një person që kam dëshirë të mbaj disa gjëra private,” deklaroi artisti.

Megjithatë, ai nuk e përjashtoi plotësisht mundësinë për të qenë pjesë e një formati të tillë në të ardhmen, nëse kushtet dhe rrethanat do të ishin të favorshme./GazetaInfokus

VIDEO E PLOTË: