Lajme

Moti, parashikohen reshje bore

Autori: Gazeta inFokus 07:36 | 31 March 2020

Gjatë këtyre ditëve në vendin tonë po mban mot i ndryshueshëm.

Prej sot, masat e ashpra të ajrit, të cilat vijnë nga pjesa veriore e kontinentit, do të ndikojnë në uljen e temperaturave në të dy vlerat ekstreme.

Borë parashihet të bie, fillimisht në pjesën e Dukagjinit dhe pastaj të njëjta kushte do ta përfshijnë edhe pjesë tjetër të territorit.

-Advertisement-

Për nesër temperaturat do të ulen dukshëm për shkak të reshjeve të parashikuara të borës. Vlerat e lehta negative parashihen të vazhdojnë deri të premten.

Temperaturat minimale do të lëvizin ndërmjet -3 deri 3 gradë celsius, ndërsa maksimalet e ditës parashihen të lëvizin ndërmjet 2-14 gradë celsius.

Do të fryjë erë kryesisht nga verilindja dhe në intervale të shkurta edhe nga juglindja me shpejtësi 1-11m/s.

Kushtet biometeorlogjike do të jenë relativisht të mira, sa i përket cilësisë së ajrit, për shkak të qarkullimit të mirë të masave të ajrit të shoqëruara edhe nga elementet tjera meteorologjike, ndërsa këto vlera negative të temperaturave të parishikuara, nuk do të jenë në favor të pemëtarisë, sidomos te ato pemë që janë në fazën e lulëzimit.

Subscribe në YouTube: GAZETA INFOKUSI